രാഖി പറഞ്ഞത് ശരിയാണ്; രാഖി സാവന്തിന്റെ ജീവിതം തിരക്കഥയാക്കാൻ താത്പര്യമുണ്ടെന്ന് ജാവേദ് അക്തർ

കഴിഞ്ഞ ദിവസമാണ് തന്റെ ജീവിതകഥ സിനിമയാക്കാൻ പ്രശസ്ത തിരക്കഥാകൃത്തും ഗാനരചയിതാവുമായ ജാവേദ് അക്തർ താത്പര്യം പ്രകടിപ്പിച്ചതായി രാഖി സാവന്ത് പറഞ്ഞത്. ഇന്ത്യ ഡ‍ോട്ട് ടിവിക്ക് നൽകിയ അഭിമുഖത്തിലായിരുന്നു രാഖി സാവന്ത് സിനിമയുടെ കാര്യം സംസാരിക്കാൻ ജാവേദ് അക്തർ വിളിച്ചിരുന്നതായി പറഞ്ഞത്.

തന്റെ ജീവിതം സിനിമയാക്കുകയാണെങ്കിൽ ആലിയ ഭട്ട് ആയിരിക്കണം തന്റെ വേഷം ചെയ്യേണ്ടത് എന്ന ആഗ്രഹവും രാഖി സാവന്ത് പ്രകടിപ്പിച്ചിരുന്നു. ഇപ്പോഴിതാ രാഖി പറഞ്ഞ കാര്യങ്ങൾ സത്യമാണെന്ന് ജാവേദ് അക്തറും സമ്മതിച്ചിരിക്കുകയാണ്.

നാലോ അഞ്ചോ വർഷങ്ങൾക്ക് മുമ്പ് വിമാനയാത്രക്കിടയിൽ രാഖി സാവന്തിനെ കണ്ടിരുന്നു. അന്ന് സ്വന്തം ബാല്യകാലത്തെ കുറിച്ചുള്ള രാഖിയുടെ കഥ കേട്ട് എന്നെങ്കിലും ഒരിക്കൽ അവരുടെ ജീവിതം താൻ തിരക്കഥയാക്കുമെന്ന് പറഞ്ഞിരുന്നതായി ജാവേദ് അക്തർ പറയുന്നു.

എഴുപതുകളിലേയും എൺപതുകളിലേയും നിരവധി ബോളിവുഡ് ഹിറ്റ് സിനിമകളുടെ തിരക്കഥാകൃത്താണ് ജാവേദ് അക്തർ. ഉറുദു കവി, ചലച്ചിത്ര ഗാനരചയിതാവ് എന്നീ നിലകളിലും പ്രശസ്തനാണ്.

1999 ൽ പത്മശ്രീയും അഖ്തർ പുരസ്കാരവും നൽകി രാജ്യം ആദരിച്ച കവിയാണ് ജാവേദ് അക്തർ. 2007-ൽ പത്മഭൂഷണും ലഭിച്ചു. നടി ശബാനാ ആസ്മിയാണ് ഭാര്യ. സംവിധായകരായ ഫർഹാൻ അക്തറും സോയാ അക്തറും മക്കളാണ്.

ജാവേദ് അക്തർ തന്റെ ജീവിതകഥ സിനിമയാക്കാൻ ഒരിക്കൽ താത്പര്യം പ്രകടിപ്പിച്ചിരുന്നതായാണ് രാഖി സാവന്ത് പറഞ്ഞത്. ഒരു വർഷം മുമ്പ് കോവിഡിനും മുമ്പ് തനിക്ക് ജാവേദ് അക്തറിൽ നിന്നും ഒരു ഫോൺ കോൾ വന്നു. തന്റെ ബയോപിക് എഴുതാൻ താത്പര്യമുണ്ടെന്നും നേരിട്ട് കാണണമെന്നുമായിരുന്നു ആവശ്യപ്പെട്ടത്. പക്ഷേ, എന്നാൽ എനിക്കദ്ദേഹത്തെ കാണാൻ സാധിച്ചില്ല.

അവർക്ക് എന്റെ ജീവിതകഥ സിനിമയാക്കാൻ താത്പര്യമുണ്ട്. എന്നാൽ ഏറെ വിവാദങ്ങളുണ്ടാക്കുന്നതായിരിക്കും തന്നെ കുറിച്ചുള്ള സിനിമയെന്ന് രാഖ് സാവന്ത് പറയുന്നു. ഈ രാജ്യത്തെ ജനങ്ങൾക്ക് അത് കാണാൻ താത്പര്യമുണ്ടായിരിക്കുമോ എന്നും തനിക്കറിയില്ല.

അവർക്ക് എന്റെ ജീവിതകഥ സിനിമയാക്കാൻ താത്പര്യമുണ്ട്. എന്നാൽ ഏറെ വിവാദങ്ങളുണ്ടാക്കുന്നതായിരിക്കും തന്നെ കുറിച്ചുള്ള സിനിമയെന്ന് രാഖ് സാവന്ത് പറയുന്നു. ഈ രാജ്യത്തെ ജനങ്ങൾക്ക് അത് കാണാൻ താത്പര്യമുണ്ടായിരിക്കുമോ എന്നും തനിക്കറിയില്ലെന്നും രാഖി.

അതേസമയം, ജീവിതകഥ സിനിമയാക്കുകയാണെങ്കിൽ ഏത് നടിയായിരിക്കണം തന്റെ വേഷം ചെയ്യേണ്ടത് എന്നും രാഖി സാവന്ദിന് നിശ്ചയമുണ്ട്. ഈ ചോദ്യത്തിന് ആലിയ ഭട്ട് എന്നാണ് രാഖി മറുപടി നൽകിയത്. "ആരെയായിരിക്കും കാസ്റ്റ് ചെയ്യുക എന്ന് തനിക്കറിയില്ല, ഞാൻ തന്നെയായിരിക്കുമോ അഭിനയിക്കുക, അതല്ലെങ്കിൽ ആലിയയോ പ്രിയങ്കയോ ആകുമോ എന്ന് അറിയില്ല." രാഖിപറയുന്നു.

തന്റെ കഥ പറയുന്ന സിനിമയിൽ അഭിനയിക്കാൻ താത്പര്യമുണ്ട്. അതല്ലെങ്കിൽ ആലിയയ്ക്ക് ആ വേഷം ചെയ്യാം. ദീപിക പദുകോൺ, കരീന കപൂർ, അങ്ങനെ ഏതെങ്കിലും മികച്ച നടിമാരിൽ ആരെങ്കിലും വേഷമിട്ടാലും മതി. ഇവരെല്ലാം മികച്ച നടിമാരും തനിക്ക് ഏറെ ഇഷ്ടപ്പെട്ടവരുമാണെന്നും രാഖി സാവന്ത്.