ഇവിടെ വച്ച് പറയണം, ഇല്ലെങ്കിൽ ഞാൻ ആ താടി കത്തിച്ച് കളയും; അവാർഡ് വേദിയിൽ ജയസൂര്യയുടെ 'ഭീഷണി' പൃഥ്വിരാജ് നേരിട്ടതിങ്ങനെ

പൃഥ്വിരാജ് സംവിധായകനായ ആദ്യ ചിത്രം ലൂസിഫറിന് മികച്ച നടനുള്ള പുരസ്ക്കാരം സമ്മാനിച്ചത് ജയസൂര്യയാണ്. പക്ഷെ ഫിലിം അവാർഡ് വേദിയിൽ വച്ച് തന്നെ ഒരു കാര്യം ജയസൂര്യ പൃഥ്വിരാജിനോട് ആവശ്യപ്പെടുകയും ചെയ്തു

ഈ അവാർഡ് സമ്മാനിക്കുന്നതിലെ തന്റെ സന്തോഷം വെളിപ്പെടുത്തുകയും, ജയസൂര്യയെയും വച്ച് സിനിമയെടുക്കാൻ പൃഥ്വിക്ക് സാധിക്കട്ടെ എന്ന് ആശംസിക്കുകയും ചെയ്തതിന് തൊട്ടു പിന്നാലെ തന്നെ തന്റെ ആവശ്യം മുന്നോട്ടു വയ്ക്കാൻ ജയസൂര്യ മറന്നില്ല

അവാർഡ് വേദിയിൽ തന്നെ വച്ച് സിനിമയെടുക്കും എന്ന് പൃഥ്വിരാജ് ഉറപ്പു നൽകണം എന്നായി ജയസൂര്യ. അല്ലെങ്കിൽ ആടുജീവിതത്തിനായി വളർത്തിയ പൃഥ്വിയുടെ താടി കത്തിച്ചുകളയുമെന്നായി 'ഭീഷണി'

എന്നാൽ ചക്രവ്യൂഹത്തിൽ പെട്ട അവസ്ഥയൊന്നും പൃഥ്വിക്കുണ്ടായില്ല എന്ന് മാത്രമല്ല, ജയസൂര്യക്ക് രസകരമായ മറുപടിയും നൽകി സമ്മാനജേതാവ്

ആട് എട്ടാം ഭാഗം ഉണ്ടെന്നും പറഞ്ഞു ഡേറ്റ് തരാതിരിക്കാനുള്ള പരിപാടിയല്ലേ ഇതെന്നായിരുന്നു പൃഥ്വിയുടെ മറുപടി. കേട്ടിരുന്ന സദസ്സിനും ചിരിയടക്കാൻ കഴിഞ്ഞില്ല 

വർഷങ്ങളുടെ സുഹൃത്ബന്ധമാണ്‌ പൃഥ്വിരാജിന്റെയും ജയസൂര്യയുടെയും. സ്വപ്നക്കൂട്, ചോക്ലേറ്റ്, അമർ അക്ബർ അന്തോണി തുടങ്ങിയ ഹിറ്റ് ചിത്രങ്ങളിലൂടെ ഇവർ പലകുറി വെള്ളിത്തിരയിലെത്തിയിരുന്നു