പ്രേക്ഷകർ കണ്ടിരുന്നോ യാത്രക്കാരുടെ ശ്രദ്ധയ്ക്ക് സിനിമയിൽ ജയറാമിനൊപ്പം അഭിനയിച്ച കാളിദാസിനെയും മാളവികയേയും?

2002ൽ പുറത്തിറങ്ങിയ സത്യൻ അന്തിക്കാട്-ജയറാം ചിത്രമാണ് യാത്രക്കാരുടെ ശ്രദ്ധയ്ക്ക്. നായിക സൗന്ദര്യ. ഈ സിനിമ ഇറങ്ങുമ്പോൾ ജയറാമിന്റെ മക്കളായ കാളിദാസും മാളവികയും കുട്ടികളാണ്. ഇവരും ഈ ചിത്രത്തിൽ  ഉണ്ടായിരുന്നുവെന്ന കാര്യം ഇപ്പോഴിതാ കാളിദാസ് പോസ്റ്റ് ചെയ്യുന്നു

അച്ഛനൊപ്പം കാളിദാസ് വേഷമിട്ട ചിത്രങ്ങൾ എടുക്കുമ്പോൾ 'കൊച്ചു കൊച്ചു സന്തോഷങ്ങൾ', 'എന്റെ വീട് അപ്പൂന്റെയും' തുടങ്ങിയ ചിത്രങ്ങളാവും പ്രേക്ഷകർക്ക് ഓർമ്മവരിക. ചക്കി എന്ന് വിളിക്കുന്ന മാളവികയെ ഒരു കഥാപാത്രമായി എങ്ങും കണ്ടിട്ടുമില്ല. അങ്ങനെയിരിക്കെയാണ് ഈ അപൂർവതയെ പറ്റി കാളിദാസ് ഒരു പോസ്റ്റിലൂടെ പറയുന്നത്

'യാത്രക്കാരുടെ ശ്രദ്ധയ്ക്ക്' സിനിമയിലെ ട്രെയ്ൻ രംഗത്തിലാണ് ഇവർ രണ്ടുപേരുമുള്ളത്. ചക്കിയുടെ കൈപിടിച്ചു നടന്നു പോകുന്ന ചേട്ടൻ കണ്ണനാണിത്. കൂപ്പെയിൽ ഇരുന്നു കൊണ്ട് തിരിഞ്ഞു നോക്കുന്ന ജയറാമിനെയും കാണാം

കുട്ടിക്കാലത്തെ അഭിനയത്തിന് ശേഷം 2018 ലാണ് കാളിദാസ് നായക വേഷത്തിൽ എത്തുന്നത്. എബ്രിഡ് ഷൈൻ സംവിധാനം ചെയ്ത 'പൂമരം' എന്ന സിനിമയിലാണ് കാളിദാസിന്റെ ആ നായക വേഷം

അതിനു ശേഷം അർജന്റീന ഫാൻസ്‌ കാട്ടൂർക്കടവ്, മിസ്റ്റർ ആൻഡ് മിസ് റൗഡി, ഹാപ്പി സർദാർ ചിത്രങ്ങളിലും കാളിദാസ് നായക വേഷം ചെയ്തു. ഇനി മഞ്ജു വാര്യർ നായികയായ ജാക്ക് ആൻഡ് ജിൽ എന്ന ചിത്രമാണ് ഇറങ്ങാനുള്ളത്

മാളവിക അച്ഛനൊപ്പം ഒരു പരസ്യചിത്രത്തിലും വേഷമിട്ടു. ആഭരണക്കടയുടെ പരസ്യത്തിലെ ആ വേഷം ശ്രദ്ധേയമായിരുന്നു. പിന്നാലെ നിരവധി ട്രോളുകളും ഇറങ്ങുകയുണ്ടായി