മലയാള സിനിമ 180 ഡിഗ്രി: പ്രേക്ഷകരെ കയ്യിലെടുക്കാൻ സിനിമകൾ എന്ത് ചെയ്തു?

റിയലിസം മാറി റിയാലിറ്റി തന്നെ പ്രേക്ഷക മുന്നിൽ പച്ചയായി തുറന്ന് കാട്ടുന്നതിൽ ചലച്ചിത്രകാരന്മാർ വിജയിച്ചു എന്നതിന് ഉദാഹരണമാണ് കടന്നു പോയ വർഷത്തിന്റെ പകുതി പ്രേക്ഷക മുന്നിലെത്തിച്ച ചിത്രങ്ങൾ

കുമ്പളങ്ങി നൈറ്റ്സ്, ഇഷ്ഖ്, വൈറസ്, തൊട്ടപ്പൻ, തമാശ, ഉണ്ട, ലൂക്ക, കക്ഷി അമ്മിണിപ്പിള്ള തുടങ്ങിയ ചിത്രങ്ങളുടെ ആഖ്യാനശൈലിയും മറ്റും ചില്ലു കോട്ടകളിലെ സിനിമയെ തകർത്തുടച്ച് നമ്മുടെ പാടത്തും പറമ്പിലും നാട്ടു വഴികളിലും എന്നും കാണുന്ന ജീവിതങ്ങളിലും നട്ടതിന്റെ ഉദാഹരണങ്ങളാണ്

എന്നാൽ താര പ്രഭാവം ഉള്ള ചിത്രങ്ങളും ഇതിനുള്ളിൽ ബോക്സ് ഓഫീസ് തൂത്തു വാരി എന്നത് മറക്കാനാവില്ല

ലൂസിഫർ, മധുരരാജ തുടങ്ങിയ 200, 100 കോടി ക്ലബ് ചിത്രങ്ങൾ തതാര ചിത്രങ്ങൾക്ക് മാറ്റ് കുറഞ്ഞിട്ടില്ല എന്ന് തെളിയിക്കുന്നു 

വിജയ് സൂപ്പറും പൗർണ്ണമിയും, ആൻഡ് ദി ഓസ്കർ ഗോസ് ടു തുടങ്ങിയ ചിത്രങ്ങളും അവതരണ ശൈലിയിലെ പ്രത്യേകത കൊണ്ട് ശ്രദ്ധേയമായി