മോനൂ സുരക്ഷിതമായിരിക്ക്, അമ്മയുടെ പ്രാർത്ഥനയുണ്ട്; മരുഭൂമിയുടെ വിജനതയിൽ കഴിയുന്ന പൃഥ്വിരാജിനോട് മല്ലിക സുകുമാരൻ

മരുഭൂമിയിൽ കഴിയുന്ന പൃഥ്വിരാജ് ഉൾപ്പെടുന്ന 58 പേരുള്ള ആടുജീവിതം സംഘത്തിന്റെ അവസ്ഥ കഴിഞ്ഞ ദിവസമാണ് പുറത്തു വന്നത്. മരുഭൂമിയിലെ ഇപ്പോഴത്തെ അവസ്ഥ പറഞ്ഞുകൊണ്ടുള്ള പൃഥ്വിയുടെ പോസ്റ്റിനു അമ്മ മല്ലികാ സുകുമാരന്റെ മറുപടി വന്നിരിക്കുന്നു

ചില സമയങ്ങളിൽ സിനിമ ജീവിതത്തെ കണ്ടുമുട്ടാറുണ്ട്. മരുഭൂമിയിലെ വിജനത മാത്രം നിറഞ്ഞ പൃഥ്വിരാജ് സുകുമാരന്റെ ഏറ്റവും പുതിയ പോസ്ടാണിത്. ആടുജീവിതത്തിന്റെ ഷൂട്ടിങ്ങുമായി ജോർദാൻ മരുഭൂമിയിലെത്തിയ സിനിമാ സംഘം കൊറോണ നിയന്ത്രണങ്ങളിൽപ്പെട്ട് ഒറ്റപ്പെട്ട മരുഭൂമിയിലാണിപ്പോൾ. ഈ പോസ്റ്റിനാണ് 'അമ്മ മല്ലിക ആശ്വാസവാക്കുകളുമായി എത്തുന്നത്

മോനൂ സുരക്ഷിതമായിരിക്ക്. എല്ലാവർക്കും അമ്മയുടെ പ്രാർത്ഥനയുണ്ട്. ദൈവം അനുഗ്രഹിക്കട്ടെ. മല്ലിക സുകുമാരൻ പറയുന്നു. മകനെയോർത്തുള്ള അമ്മയുടെ ആവലാതി കണ്ട പ്രേക്ഷകരും മല്ലികയുടെ കമന്റിൽ ആശ്വാസ വചനങ്ങളുമായി എത്തിയിട്ടുണ്ട്

വെറും പത്ത് ദിവസത്തെ ഭക്ഷണവുമായി ജോർദാൻ മരുഭൂമിയിൽ അകപ്പെട്ട സംഘം ആന്റോ ആന്റണി എം.പി.യുടെയും വിദേശ മന്ത്രാലയത്തിന്റെയും ഇടപെടൽ കൊണ്ട് ഷൂട്ടിംഗ് ആരംഭിച്ചിരിക്കുകയാണ്. ഏപ്രിൽ 10 വരെ ഷൂട്ടിംഗ് നടത്താനാണ് സംവിധായകൻ ബ്ലെസിയുടെ തീരുമാനം. പക്ഷെ അതുകഴിഞ്ഞു നാട്ടിൽ മടങ്ങിയെത്തുന്ന കാര്യം അനിശ്ചിതാവസ്ഥയിലാണ്

ചിത്രീകരണത്തിനായി പുറപ്പെടും മുൻപ് ജ്യേഷ്‌ഠൻ ഇന്ദ്രജിത്തിന്റേയും കുടുംബത്തിന്റെയുമൊപ്പം പൃഥ്വിരാജും ഭാര്യ സുപ്രിയയും

ആടുജീവിതത്തിനായുള്ള പൃഥ്വിരാജിന്റെ ലുക്ക് ഗ്രാഫിക് രൂപത്തിൽ

ആടുജീവിതത്തിൽ നജീബാവാൻ വേണ്ടി താടിവളർത്തിയും മെലിഞ്ഞുണങ്ങിയുമുള്ള ലുക്കിൽ പൃഥ്വിരാജ്