ഇതെന്റെ കഥയല്ല, എന്റെ കയ്യിൽ ഇങ്ങനൊരു കഥയില്ല; വ്യാജവാർത്തക്കെതിരെ പ്രതികരണവുമായി മിഥുൻ മാനുവൽ തോമസ്

മോഹൻലാൽ, പൃഥ്വിരാജ്, ഫഹദ് എന്നിവർ വേഷമിടുന്ന ,മിഥുൻ മാനുവൽ സംവിധാനം ചെയ്യുന്ന സിനിമ. സോഷ്യൽ മീഡിയയിൽ പ്രചരിക്കുന്ന വാർത്തയുടെ സത്യാവസ്ഥയുമായി അഞ്ചാം പാതിരാ സംവിധായകൻ ഫേസ്ബുക് പോസ്റ്റിൽ എത്തുന്നു

മിഥുനിന്റെയും താരങ്ങളുടെയും ചിത്രം വച്ചുള്ള പ്രചാരണമാണ് മിഥുൻ തള്ളിക്കളയുന്നത്

പോസ്റ്റിൽ മിഥുൻ ഇങ്ങനെ പറയുന്നു: ഹെവി കോംബോ ഓഫ് ആക്ടഴ്സ്.. !! ഇവരുടെ മൂന്നാളുകളുടെ കൂടെ എന്റെ ഫോട്ടോ കാണുമ്പോൾ വല്ലാത്ത സന്തോഷം ഉണ്ട്.. !!

പക്ഷേ, ഇങ്ങനെയൊന്ന് ഞാൻ പറഞ്ഞിട്ടില്ല.. !! കാരണം എന്റെ കയ്യിൽ അങ്ങനൊരു കഥ ഇല്ല.. !!😄😄 പലരും ആവർത്തിച്ചാവർത്തിച്ചു അന്വേഷിക്കുന്നത് കൊണ്ട് ഇതൊരു ഔദ്യോഗിക പ്രതികരണമായി ദയവായി കണക്കാക്കുക.. !!

മിഥുൻ സംവിധാനം ചെയ്ത കുഞ്ചാക്കോ ബോബൻ നായകനായ ക്രൈം ത്രില്ലർ അഞ്ചാം പാതിരാ 2020 ലെ ആദ്യ സൂപ്പർ ഹിറ്റ് ചിത്രം എന്ന ഖ്യാതി നേടിയിരിക്കുകയാണ്