കോവിഡിനെതിരെ മമ്മൂട്ടി, മഞ്ജു വാര്യർ, ഫഹദ് ഫാസിൽ, മംമ്ത മോഹൻദാസ്, ജോണി ആന്റണി ഒരുമിക്കുന്നു

കൊറോണ വൈറസിന്റെ വ്യാപനത്തെ തടയാൻ ചലച്ചിത്ര സാങ്കേതിക പ്രവർത്തകരുടെ സംഘടനയായ ഫെഫ്ക നിർമ്മിക്കുന്ന ബോധവൽക്കരണ ചിത്രങ്ങളുടെ സ്വിച്ച് ഓൺ കർമ്മം ഡയറക്ടേഴ്സ് യൂണിയൻ പ്രസിഡന്റ് രൺജി പണിക്കർ നിർവ്വഹിച്ചു

ഇന്ത്യൻ ആഡ് ഫിലിം മേക്കേഴ്‌സ്‌ അസോസിയേഷനുമായി ചേർന്ന് നിർമ്മിക്കുന്ന ഒൻപത് ലഘു ചിത്രങ്ങളിൽ മമ്മൂട്ടി, മഞ്ജു വാര്യർ, ഫഹദ് ഫാസിൽ, മംമ്ത മോഹൻദാസ്, കുഞ്ചൻ, അന്ന രാജൻ, ജോണി ആന്റണി, മുത്തുമണി തുടങ്ങിയ താരങ്ങൾ എത്തുമെന്ന് ഫെഫ്ക ജനറൽ സെക്രട്ടറി ബി. ഉണ്ണികൃഷ്ണൻ അറിയിച്ചു . സാങ്കേതിക കലാകാരന്മാരും താരങ്ങളും സൗജന്യമായാണ് ചിത്രങ്ങളുമായി സഹകരിക്കുന്നത്

ചലച്ചിത്ര പ്രവർത്തകരായ സോഹൻ സീനുലാൽ, ലിയോ തദേവൂസ് , അരുൺ ഗോപി, സിദ്ധാർത്ഥ ശിവ, മുത്തുമണി, ശ്രീജ, ബൈജുരാജ് ചേകവർ, ജോസഫ് നെല്ലിക്കൻ എന്നിവരും പരസ്യചിത്ര സംഘടനയെ പ്രതിനിധീകരിച്ച് സിജോയ് വർഗ്ഗീസ്, എ കെ വിനോദ്, കുമാർ നീലകണ്ഠൻ, അപ്പുണ്ണി, ഷെൽട്ടൻ, പ്രവീൺ എന്നിവരും ചടങ്ങിൽ പങ്കെടുത്തു

ഛായാഗ്രഹണം - മഹേഷ് രാജ് , സുധീർ സുരേന്ദ്രൻ, മുകേഷ് മുരളീധരൻ, സംഗീതം - രാഹുൽ രാജ്, എഡിറ്റേഴ്സ് - സൂരജ്‌ ഇ.എസ്., കപിൽ ഗോപാലകൃഷ്ണൻ, റിയാസ് കെ.ബി. , കല - ജോസഫ് നെല്ലിക്കൻ, വസ്ത്രാലങ്കാരം - ധന്യ ബാലകൃഷ്ണൻ, സഹായി - അനൂപ് ബുദ്ധ, ചമയം - റോണക്സ് സേവ്യർ, സഹായികൾ - എബി കുരീക്കാട്, വിനോയ്, കേശാലങ്കാരം -സീമാ ഹരിദാസ്, കളർ ഗ്രെഡിങ് - ലിജു പ്രഭാകർ, ശ്രീകുമാർ, നിശ്ചല ഛായാഗ്രഹണം - ഇക്കുട്ട്സ് രഘു ആലുവ, പ്രൊഡക്ഷൻ കൺട്രോളർ - ജാവേദ് ചെമ്പ്, പ്രൊഡക്ഷൻ എക്സിക്യുട്ടീവ് - ജാഫർ, ആർട്ട് അസിസ്റ്റൻസ് - വിജോ കണ്ണാമ്പിള്ളി, മണി, കുട്ടൻ, അപ്പു, കുഞ്ഞ്. പ്രൊഡക്ഷൻ അസിസ്റ്റൻസ് - ഉണ്ണി കൊടുങ്ങല്ലൂർ, വിജീഷ്. ഗതാഗതം - ഇബ്രാഹിം കപ്പിത്താൻ, യൂണിറ്റ്: എ സി എസ്, ക്യാമറ - എ സി എസ് & സിനി ഫോക്കസ്

ടെലിവിഷൻ ചാനലുകളിലൂടെയും സമൂഹ മാധ്യമങ്ങളിലൂടെയും ചിത്രങ്ങൾ അടുത്ത ദിവസങ്ങളിൽ പ്രേക്ഷകരിലെത്തും