മുംബൈയിൽ നിന്നും നാട്ടിലെത്തിയ നടനും കുടുംബത്തിനും ഹോം ക്വാറന്റൈൻ

രാജ്യത്ത് കോവിഡ് കേസുകളുടെ എണ്ണം കൂടുതലുള്ള മുംബൈയിൽ നിന്നും നാട്ടിലേക്ക് മടങ്ങിയ നടനും കുടുംബത്തിനും ഹോം ക്വാറന്റൈൻ. മെയ് 11ന് ഈദ് ആഘോഷങ്ങൾക്കായാണ് നാട്ടിലേക്ക് മടങ്ങിയത്

ബോളിവുഡ് താരം നവാസുദ്ദിൻ സിദ്ധിഖിയും കുടുംബവും മുംബൈയിൽ നിന്നും സ്വദേശമായ ഉത്തർ പ്രദേശിലെ മുസാഫർ നഗറിലേക്കാണ് പോയത്. സർക്കാർ മാനദണ്ഡം അനുസരിച്ച് ഇവർക്ക് 14 ദിവസത്തെ ഹോം ക്വാറന്റൈൻ നിർബന്ധമാണ്. മുംബൈയിൽ നിന്നും അധികൃതരുടെ അനുവാദത്തോടെയാണ് യാത്ര നടത്തിയത്

നവാസുദ്ദീനൊപ്പം അമ്മയും സഹോദരനും സഹോദര ഭാര്യയും ഉണ്ടായിരുന്നു. ഇവരുടെ ശ്രവ സാമ്പിളുകൾ പരിശോധിച്ചതിൽ നെഗറ്റീവ് ഫലമാണ് വന്നിരിക്കുന്നത്

ഗൂമ്കേതു ആണ് നവാസുദ്ധീന്റെ അടുത്ത ചിത്രം. ഒരു എഴുത്തുകാരന്റെ ജീവിതകഥ പറയുന്ന ചിത്രം സംവിധാനം ചെയ്തത് പുഷ്‌പേന്ദ്രനാഥ് മിശ്ര