Viral | മൂക്കുത്തിഅമ്മൻ വേഷത്തിൽ അതീവസുന്ദരിയായി നയൻതാര; ചിത്രങ്ങള്‍ വൈറൽ

നയൻതാര നായികയായെത്തുന്ന മൂക്കുത്തി അമ്മൻ എന്ന സിനിമയുടെ ലൊക്കേഷൻ ചിത്രങ്ങൾ വൈറലാകുന്നു

കോളിവുഡിലെ ലേഡി സൂപ്പർസ്റ്റാർ മൂക്കുത്തിഅമ്മൻ ദേവിയായാണ് ചിത്രത്തിൽ എത്തുന്നത്

സിനിമയുടെ ഫസ്റ്റ് ലുക്ക്, സെക്കൻഡ് ലുക്ക് പോസ്റ്ററുകൾ നേരത്തെ തന്നെ അണിയറ പ്രവർത്തകർ പുറത്തു വിട്ടിരുന്നു. സിനിമയുടെ ലൊക്കേഷൻ ചിത്രങ്ങളാണ് ഇപ്പോൾ പുറത്ത് വന്നിരിക്കുന്നത്.

ആർ.ജെ.ബാലാജിയും എൻ.ജെ.ശരവണനും ചേർന്നാണ് ചിത്രം സംവിധാനം ചെയ്യുന്നത്. ആർ.ജെ.ബാലാജിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്

അതീവ സുന്ദരിയായി ദേവി വേഷത്തിലെത്തുന്ന നയൻസിന്‍റെ ചിത്രങ്ങൾ ഇതിനോടകം തന്നെ ആരാധകർ ഏറ്റെടുത്ത് കഴിഞ്ഞു. സംവിധായകൻ കൂടിയായ ബാലാജി തന്നെയാണ് ചിത്രങ്ങൾ പുറത്തുവിട്ടത്. 

ചിത്രത്തിൽ ദേവിയുടെ വേഷം അവതരിപ്പിക്കുന്നതിനാൽ ഷൂട്ടിംഗ് തീരും വരെ നയൻതാര മാംസാഹാരം ഉപേക്ഷിച്ചിരിക്കുകയാണെന്ന തരത്തിൽ വാർത്ത വന്നിരുന്നു

നേരത്തെ ‘രാമ രാജ്യം’ എന്ന ചിത്രത്തിൽ സീതയായി വേഷമിട്ടപ്പോഴും നയൻതാര മാംസാഹാരം ഉപേക്ഷിക്കുകയും പാർട്ടികളിൽനിന്ന് വിട്ടുനിൽക്കുകയും ചെയ്തിരുന്നു.

കോവിഡ് പ്രതിസന്ധിയെ തുടർന്ന് നിലവിൽ നിർത്തി വച്ചിരിക്കുന്ന ചിത്രത്തിന്‍റെ ഷൂട്ടിംഗ് വൈകാതെ തന്നെ ആരംഭിക്കുമെന്നാണ് റിപ്പോർട്ട്

മൗലി, ഉർവശി, സ്മൃതി വെങ്കട്ട്, അജയ് ഘോഷ് എന്നിവരും ചിത്രത്തിൽ മുഖ്യവേഷങ്ങളിലെത്തുന്നുണ്ട്