Nivin Pauly | ഉന്നെപ്പോലെ യാര് മച്ചാ; നിവിൻ പോളി മെലിഞ്ഞു, അഭിനന്ദിച്ച് അജു വർഗീസ്

ലോക്ക്ഡൗൺ നാളുകൾ പിന്നിട്ട് വലിയ ഇടവേളയ്‌ക്കു ശേഷമാണ് നടൻ നിവിൻ പോളിയുടെ (Nivin Pauly) ചിത്രങ്ങൾ തിയേറ്ററിലെത്തിയത്. 'ലവ്, ആക്ഷൻ, ഡ്രാമ', 'മൂത്തോൻ' സിനിമകൾക്ക് ശേഷം 'മഹാവീര്യർ' വരെ രണ്ടുവർഷത്തെ ഇടവേളയുണ്ടായി. ഇടയ്ക്കു ഒ.ടി.ടിയിൽ നിവിൻ ചിത്രം 'കനകം, കാമിനി, കലഹം' റിലീസ് ചെയ്തു. എന്നാൽ സിനിമകളെക്കുറിച്ചുള്ള അഭിപ്രായത്തേക്കാൾ നിവിൻ നേരിട്ടത് ബോഡി ഷെയിമിംഗ് ആണ്

അന്ന് കളിയാക്കിയവരുടെ വായടപ്പിക്കാൻ ഇതിലും വലിയ ഉത്തരമില്ല എന്ന് പറഞ്ഞുപോകും നിവിന്റെ ഏറ്റവും പുതിയ ഫോട്ടോ കണ്ടാൽ. ഗംഭീര ട്രാൻസ്ഫോർമേഷൻ ആണ് നിവിൻ നടത്തിയത്. നിവിന്റെ മാറ്റം കയ്യടിച്ച്‌ അഭിന്ദിച്ചു കൊണ്ട് കൂട്ടുകാരൻ അജു വർഗീസ് ഇൻസ്റ്റഗ്രാമിൽ എത്തി. ശരീരഭാരം കൂടിയതിന്റെ പേരിൽ നിവിന് നേരെ വാക്കുകൾ കൊണ്ട് കൂരമ്പുകൾ എറിഞ്ഞവർക്ക് ഇനി റസ്റ്റ് എടുക്കാം (തുടർന്ന് വായിക്കുക)

ഈ ചിത്രം പകർത്തിയ 'പടവെട്ട്‌' സിനിമയുടെ സക്സസ് സെലിബ്രേഷൻ നടന്നത് 2022 ഒക്ടോബർ മാസത്തിലാണ്. കേവലം മൂന്നു മാസത്തിനകമാണ് നിവിൻ ഞെട്ടിക്കുന്ന രൂപമാറ്റം കൈവരിച്ചത്

2018ൽ 'ഹേ ജൂഡ്' എന്ന സിനിമയ്ക്കായി നിവിന് ശരീരഭാരം വർധിപ്പിക്കേണ്ടതായി വന്നു. അതിനു ശേഷം മാറ്റമുണ്ടായെങ്കിലും തീർത്തും പഴയ രൂപത്തിലേക്കുള്ള നിവിനെ കാണാൻ ആരാധകർക്ക് വീണ്ടും വർഷങ്ങൾ കാത്തിരിക്കേണ്ടി വന്നു

നിവിന്റെ അപ്പോഴത്തെ ശരീരഭാഷയ്‌ക്ക്‌ ഇണങ്ങുന്ന തരത്തിൽ കൂടിയാണ് പടവെട്ട്‌ സിനിമയിലെ നായക കഥാപാത്രത്തിന്റെ ആവിഷ്കാരം. എന്നാൽ, സിനിമയിലെ രവിയെ പോലെത്തന്നെ ജീവിതത്തിൽ വമ്പൻ മാറ്റങ്ങളോടെ വന്ന് നിവിൻ ഞെട്ടിച്ചിരിക്കുകയാണ് ഏവരെയും

'സാറ്റർഡേ നൈറ്റ്' എന്ന സിനിമയിലെ വേഷമാണ് നിവിനെതിരെ ഏറ്റവുമധികം ബോഡി ഷെയിമിംഗ് ആരോപണങ്ങൾ ഉയർത്തിയത്