റേസു ഡാർലിങ്ങിന് പിറന്നാൾ ആശംസകൾ നേർന്ന് നിവിൻ; അച്ചായന്റെ രാജകുമാരിക്ക് ആശംസകൾ അറിയിച്ച് ആരാധകരും

ചലച്ചിത്രതാരം നിവിൻ പോളിക്ക് ഇന്ന് വളരെ സ്പെഷ്യലാണ്. തന്റെ ഇളയമകൾ റേസുവിന്റെ ജന്മദിനമാണ് ഇന്ന്. മകൾക്ക് പിറന്നാൾ ആശംസ അറിയിച്ച് സോഷ്യൽ മീഡിയയിൽ താരം ചിത്രങ്ങൾ പങ്കുവെച്ചു. മകളുടെ മൂന്നാം പിറന്നാൾ ദിനത്തിൽ അവൾക്കൊപ്പമുള്ള ചിത്രമാണ് നിവിൻ പങ്കുവെച്ചത്.

മൂന്നുവർഷങ്ങൾക്ക് മുമ്പ് 2017ൽ ആയിരുന്നു നിവിൻ പോളി - റിന്ന ദമ്പതികൾക്ക് മകൾ പിറന്നത്. മൂത്തമകൻ ദാവീദിനൊപ്പമുള്ള നിവിൻ പോളിയുടെ ചിത്രങ്ങൾ നേരത്തെ സോഷ്യൽ മീഡിയയിൽ വൈറലായിരുന്നു.

ഇപ്പോൾ മകൾക്കൊപ്പമുള്ള ചിത്രവും സോഷ്യൽമീഡിയ ഏറ്റെടുത്തു കഴിഞ്ഞു.

അപ്പന്റെ കാർബൺ കോപ്പിയാണ് മകളെന്ന കമന്റാണ് മിക്ക ആരാധകരും നൽകിയത്. 2010 ഓഗസ്റ്റ് 28നായിരുന്നു നിവിൻ പോളിയും റിന്നയും വിവാഹിതരായത്. ഏറെക്കാലത്തെ പ്രണയത്തിന് ശേഷമായിരുന്നു ഇവർ വിവാഹിതരായത്.

ഏഴു വയസുകാരനായ ദാവീദ് ആണ് ഇവരുടെ മൂത്തമകൻ. നിവിനെ പോലെ തന്നെ ദാവീദിനും ഏറെ ആരാധകരുണ്ട്. നിലവിൽ രാജീവ് രവി സംവിധാനം ചെയ്യുന്ന തുറമുഖം എന്ന ചിത്രത്തിലാണ് നിവിൻ പോളി അഭിനയിച്ച് കൊണ്ടിരിക്കുന്നത്.