തിരുമ്പി വന്തുട്ടെന്ന് സൊല്ല്; 90mlലെ തകർപ്പൻ പ്രകടനം കാഴ്ച വച്ച ഓവിയ മലയാളത്തിൽ തിരികെ എത്തുമ്പോൾ

90ml എന്ന തമിഴ് ചിത്രത്തിലെ പ്രകടനത്തിലൂടെ ആരാധകരെ ഞെട്ടിച്ച ഓവിയ നായികയായി മലയാള സിനിമയിൽ മടങ്ങിയെത്തുകയാണ്. സോൾട്ട് ആൻഡ് പെപ്പർ എന്ന സിനിമയുടെ രണ്ടാം ഭാഗമായ ബ്ലാക്ക് കോഫിയിലാണ് ഓവിയ വീണ്ടുമെത്തുന്നത്

2017ൽ തമിഴ് ബിഗ് ബോസ് മത്സരാർത്ഥിയായതിന് പിന്നാലെയാണ് ഓവിയ ശ്രദ്ധേയയാവുന്നത്. ഹെലൻ നെൽസൺ എന്ന ഓവിയ മലയാള സിനിമയിൽ ആണ് അരങ്ങേറ്റം കുറിച്ചതെന്ന് അധികം ആരും അറിയാത്ത കാര്യമാണ്

പൃഥ്വിരാജ്, ജയസൂര്യ, കാവ്യാ മാധവൻ എന്നിവർ മുഖ്യ കഥാപാത്രങ്ങളായ കങ്കാരുവാണ് ഓവിയയുടെ ആദ്യ ചിത്രം

ശേഷം അപൂർവ, പുതിയ മുഖം, പുതുമുഖങ്ങൾ, മനുഷ്യമൃഗം തുടങ്ങിയ മലയാള ചിത്രങ്ങളിൽ ഓവിയ വേഷമിട്ടെങ്കിലും ആ കഥാപാത്രങ്ങളൊക്കെയും ശ്രദ്ധിക്കപ്പെടാതെ പോയി

ശേഷം തമിഴിലേക്ക് ചേക്കേറുകയായിരുന്നു. നീണ്ട ഇടവേളയ്ക്കു ശേഷമാണ് ഓവിയ മലയാളത്തിൽ എത്തുന്നത്