Independence Day 2020 | കേന്ദ്ര സർക്കാരിന്റെ ഓൺലൈൻ ദേശഭക്തി ചലച്ചിത്ര മേള; മലയാളത്തിൽ നിന്നും '1971 ബിയോണ്ട് ബോർഡേഴ്സ്'

സ്വാതന്ത്ര്യ ദിനത്തിന് മുന്നോടിയായി ദേശഭക്തി ചിത്രങ്ങളുമായി ചലച്ചിത്ര വികസന കോർപറേഷന്റെ ഓൺലൈൻ ചലച്ചിത്ര മേള. മേജർ രവി സംവിധാനം ചെയ്ത് മോഹൻലാൽ വേഷമിട്ട '1971: ബിയോണ്ട് ബോർഡേഴ്സ്' ആണ് മലയാളത്തിൽ നിന്നുമുള്ള ചിത്രം. മറ്റു പ്രധാന ചിത്രങ്ങൾ ഇനിപ്പറയുന്നവയാണ്

ദി മേക്കിങ് ഓഫ് മഹാത്മാ (സംവിധാനം: ശ്യാം ബെനഗൽ, 1996)

ഉദായെർ പഥേ (ബിമൽ റോയ്, 1944)

റോജ (മണി രത്നം, 1992)

ദി ലെജൻഡ് ഓഫ് ഭഗത് സിംഗ് (രാജ്‌കുമാർ സന്തോഷി, 2002)

ഗാന്ധി (റിച്ചാർഡ് ആറ്റൻബറോ, 1982). കാഴ്ച, ശ്രവണ വൈകല്യമുള്ളവർക്ക് സഹായകമായ വിധത്തിലാണ് ഈ ചിത്രം മേളയുടെ ഭാഗമാക്കിയിട്ടുള്ളത്

ഓഗസ്റ്റ് ഏഴിന് ആരംഭിച്ച മേള ഓഗസ്റ്റ് 21 വരെ നീളും. ലോകമെമ്പാടുമുള്ള ഇന്ത്യക്കാർക്ക് ആഘോഷത്തിന്റെയും ദേശഭക്തിയുടെയും അന്തരീക്ഷം ഒരുക്കുക എന്ന ലക്ഷ്യത്തോടെയാണ് ഓൺലൈൻ മേള സംഘടിപ്പിക്കുന്നത്. www.cinemasofindia.com എന്ന വെബ്‌സൈറ്റിലാണ് മേള