ചിത്രത്തിൽ ഒരു കൈ അധികമോ? പൂർണ്ണിമ പോസ്റ്റ് ചെയ്ത ഫോട്ടോയിൽ ആകെ ആശയക്കുഴപ്പം

പൂർണ്ണിമ ഇന്ദ്രജിത് സോഷ്യൽ മീഡിയയിൽ ഏറ്റവും പുതിയതായി പോസ്റ്റ് ചെയ്ത കുടുംബ ചിത്രമാണ് ഈ ഫോട്ടോയുടെ ആദ്യ പകുതിയിൽ കാണുന്നത്. ഇന്ദ്രജിത്, പൂർണ്ണിമ മക്കളായ പ്രാർത്ഥന, നക്ഷത്ര എന്നിവർ ചേർന്ന് വീട്ടിൽ വച്ച് പകർത്തിയ ചിത്രമാണിത്. ഇൻസ്റ്റഗ്രാം സ്റ്റോറിയിലാണ് പൂർണ്ണിമ ഈ ചിത്രം പോസ്റ്റ് ചെയ്തിട്ടുള്ളത്

പ്രാർത്ഥന സോഫയിൽ ഇരിക്കുകയും, നക്ഷത്രയും പൂർണ്ണിമയും ഇന്ദ്രജിത്തും അതിനു പിന്നിൽ മക്കളെ ചേർത്തുപിടിച്ചുകൊണ്ടുമുള്ള ചിത്രമാണിത്. ചേച്ചി പ്രാർത്ഥനയ്ക്ക് കുറുകെ കൈചേർത്ത് പിടിച്ചിരിക്കുകയാണ് നക്ഷത്ര. പാത്തുവിന്റെയും നച്ചുവിന്റെയും ചുറ്റും അമ്മയുടെ കൈകളും കാണാം. പക്ഷെ അവിടെയാണ് ചിത്രത്തിലെ 'ഒരധിക' കൈ ആരുടേത് എന്ന് പൂർണ്ണിമ തന്നെ ചോദിച്ചിരിക്കുന്നത്. ചിത്രം മുഴുവനായും ചുവടെ കാണാവുന്നതാണ് (തുടർന്ന് വായിക്കുക)

വിരലുകളിൽ നീളൻ നഖങ്ങളുള്ള ആ കൈ ആണ് പൂർണ്ണിമ ഒരു ആരോ മാർക്ക് ചെയ്ത് കാണിച്ചിരിക്കുന്നത്. എന്തായാലും പൂർണ്ണിമയുടേതല്ല, നക്ഷത്രയുടെ രണ്ടു കൈകളും കാണാം. പുരുഷന്റെ കൈ അല്ലാത്തതിനാൽ ഇന്ദ്രജിത്തിന്റേതുമല്ല. എങ്കിൽ പിന്നെ കസേരയിൽ ഇരിക്കുന്ന പ്രാർത്ഥനയുടെ ഒരു കൈ ആവാനേ തരമുള്ളൂ. ചുറ്റിപ്പിടിച്ച കൈ ആയതിനാൽ ആകെ കൺഫ്യൂഷനായ അവസ്ഥയിലാണ് ഈ ചിത്രം

നല്ല രീതിയിൽ ഫിറ്റ്നസ് കാത്തുസൂക്ഷിക്കുന്ന താരമാണ് പൂർണ്ണിമ. ജിമ്മിൽ പോയാൽ മസിൽ വരും, ആരോഗ്യം വർധിക്കും, ശരീരം അഴകുറ്റതാകും എന്നൊക്കെ കരുതിയാൽ, അതിനു പുറമെ മറ്റൊരു വലിയ പ്രയോജനം കൂടിയുണ്ട് എന്ന കാര്യം പലരും ശ്രദ്ധിക്കാറില്ല. ആ ഓർമ്മപ്പെടുത്തൽ പൂർണ്ണിമയുടെ ഭാഗത്തുനിന്നും ഉണ്ടായിട്ടുണ്ട്

ഫേഷ്യൽ ചെയ്ത പോലുള്ള തിളക്കം നിങ്ങളുടെ മുഖത്തെ ചർമ്മത്തിന് ലഭിക്കണോ? എങ്കിൽ വ്യായാമം ചെയ്യൂ. തന്റെ മുഖത്തെ ഗ്ലോ ഇങ്ങനെയാണ് എന്ന് പൂർണ്ണിമ പരിചയപ്പെടുത്തുകയാണ്

ഇളയ മകൾ നക്ഷത്രയ്ക്കും ചെറിയ പ്രായത്തിൽ തന്നെ പൂർണ്ണിമ ജിം പരിശീലനം നൽകിക്കഴിഞ്ഞു. ജിം വർക്ക്ഔട്ട് ചെയ്യുന്ന നക്ഷത്രയുടെ ചിത്രമാണിത്

ബീച്ചിൽ ധ്യാനനിമഗ്നയായി ഇരിക്കുന്ന പൂർണ്ണിമയുടെ ചിത്രമാണിത്

ആരോഗ്യം സംരക്ഷിക്കുന്നതിന്റെ പ്രയോജനം കൂടിയാണ് ഈ ചിത്രം. ഇപ്പോഴും മകൾ നക്ഷത്രയെ ഒക്കത്തെടുക്കാൻ തന്നെക്കൊണ്ടാവും എന്ന് പൂർണ്ണിമ തെളിയിച്ച ചിത്രമാണിത്

മക്കളായ പ്രാർത്ഥനയ്ക്കും നക്ഷത്രയ്ക്കുമൊപ്പം പൂർണ്ണിമ ഇന്ദ്രജിത്