94 കിലോയിൽ നിന്നും ഈ കാണുന്നതുവരെ; ആടുജീവിതത്തിലെ നജീബാവാൻ കഠിനപ്രയത്നവുമായി പൃഥ്വി

സോഷ്യൽ മീഡിയയിൽ വൈറൽ ആയ പൃഥ്വിരാജിന്റെ ഫോട്ടോയാണ് ഈ ചിത്രത്തിന്റെ ഒരു ഭാഗത്ത് കാണുന്നത്. 94 കിലോ ഭാരമുണ്ടായിരുന്ന പൃഥ്വി ബ്ലെസി ചിത്രം ആടുജീവിതത്തിനായി ഭാരം കുറയ്ക്കുന്ന പ്രക്രിയയിലാണിപ്പോൾ

ആട് ജീവിതത്തിലെ നജീബാവാൻ പൃഥ്വിക്ക് ഇനിയും ശരീരഭാരം കുറയ്ക്കണം. 60-65 കിലോയെങ്കിലും എത്തിയാൽ മാത്രമേ ഇനി നജീബ് ആയി ഷൂട്ടിംഗ് ആരംഭിക്കാൻ കഴിയുള്ളൂ. ഇതിനായി കഠിന ചിട്ടവട്ടങ്ങൾ പാലിക്കുകയാണ് പൃഥ്വി

എക്സ്ട്രീം ലോ കലോറി ഡയറ്റിലാണ് പൃഥ്വി ഇപ്പോൾ. ഷെയ്ക്കുകൾ, ഡ്രിങ്കുകൾ, കലോറി കൂടിയ ഭക്ഷണ ഇനങ്ങൾ പോലുള്ളവയെ പടിക്ക് പുറത്തു നിർത്തി വേണം ഇത്തരം ഡയറ്റുകാർ ഭക്ഷണം ക്രമീകരിക്കാൻ. വളരെ ബുദ്ധിമുട്ടുള്ള ഈ ഡയറ്റ് ഒരുപക്ഷെ പൃഥ്വി മറ്റാർക്കും റെക്കമെൻഡ് ചെയ്യാൻ ഇടയില്ല എന്ന് പൃഥ്വിയുടെ അടുത്ത വൃത്തങ്ങൾ സൂചിപ്പിക്കുന്നു. എന്നാൽ ഇതുകൊണ്ടും തീർന്നില്ല

ഭാരം കുറയ്ക്കുന്നതിന് ആനുപാതികമായി ശരീരം മെലിഞ്ഞതായി തോന്നിപ്പിക്കുകയും വേണം. ഇത് മറ്റൊരു വെല്ലുവിളിയാണ്

ആടുജീവിതത്തിന്റെ അടുത്ത ഷെഡ്യൂൾ 2020 ഏപ്രിൽ മാസം ആരംഭിക്കാനാണ് പ്ലാൻ

അടുത്തതായി തിയേറ്ററിൽ എത്തുന്ന പൃഥ്വി ചിത്രം 'അയ്യപ്പനും കോശിയും' പ്രീവ്യൂവിന് എത്തിയപ്പോഴുള്ള ഫോട്ടോയാണ് ഇപ്പോൾ വൈറൽ ആയിരിക്കുന്നത്