'നിങ്ങളുടെ രാജ്യത്തേക്ക് മടങ്ങിപ്പോയി കൂട്ടബലാത്സംഗത്തിന് ഇരയാകു': വംശീയ അധിക്ഷേപം നേരിട്ടതിനെക്കുറിച്ച് പ്രിയങ്ക ചോപ്ര

ബോളിവുഡിൽ മാത്രമല്ല ഹോളിവുഡിലും അറിയപ്പെടുന്ന ഒരു ഗ്ലോബൽ സൂപ്പർ സ്റ്റാർ ആണ് പ്രിയങ്ക ചോപ്ര ജോനസ്. ബോളിവുഡില്‍ തന്‍റെ കഴിവ് തെളിയിച്ച ശേഷമായിരുന്നു പ്രിയങ്കയുടെ ഹോളിവുഡ് അരങ്ങേറ്റം.(Image: Instagram)

അഭിനേതാവ് മാത്രമല്ല ഗായിക, നിർമ്മാതാവ്, സംരഭക തുടങ്ങി വിവിധ റോളുകളിൽ പ്രിയങ്ക തിളങ്ങി. ഇറങ്ങിത്തിരിച്ച മേഖലകളിലെല്ലാം വിജയം കൈവരിച്ചു കൊണ്ടായിരുന്നു താരത്തിന്‍റെ മുന്നേറ്റം. തന്‍റെ നേട്ടങ്ങളുടെ പട്ടികയിൽ 'എഴുത്തുകാരി' എന്ന പേര് കൂടി ഈയടുത്ത് പ്രിയങ്ക എഴുത്തിച്ചേർത്തിരുന്നു. (Image: Instagram)

പ്രിയങ്ക ചോപ്രയുടെ ആത്മകഥയായ 'അൺഫിനിഷ്ഡ്' കുറച്ചു നാളുകൾക്ക് മുമ്പാണ് പ്രസിദ്ധീകരിക്കപ്പെട്ടത്. പ്രശസ്തിയുടെ ഉന്നതിയിൽ നിൽക്കുമ്പോഴും തന്‍റെ ജീവിതത്തിലും കരിയറിലും നേരിടേണ്ടി വന്ന പല ദുരനുഭവങ്ങളും പ്രിയങ്ക ഇതിലൂടെ പങ്കുവച്ചത് ചർച്ചകൾക്ക് വഴി വച്ചിരുന്നു. യുഎസിൽ നേരിടേണ്ടി വന്ന വംശീയ അധിക്ഷേപത്തെക്കുറിച്ച് പുസ്തകത്തിൽ പ്രിയങ്ക നടത്തിയ വെളിപ്പെടുത്തലാണ് ഇപ്പോൾ ചർച്ചയായിരിക്കുന്നത്. (Image: Instagram)

പ്രിയങ്കയുടെ ആദ്യ സംഗീത ആൽബം 'ഇൻ മൈ സിറ്റി' റിലീസ് ചെയ്തതിന് പിന്നാലെയാണ് വിദ്വേഷത്തിന് ഇരയാകേണ്ടി വന്നതെന്നാണ് താരം പറയുന്നത്. ആദ്യ ആൽബം റിലീസ് ചെയ്യുന്നതിന്‍റെയും വലിയൊരു പ്ലാറ്റ്ഫോമിലൂടെ ആയിരക്കണക്കിന് ആളുകളിലേക്കെത്തുന്നതിന്‍റെയും ആവേശത്തിലായിരുന്നു താൻ. എന്നാൽ അധികം വൈകാതെ ആ 'കുമിളകൾ' പൊട്ടി ഇല്ലാതായി എന്നാണ് പ്രിയങ്ക പറയുന്നത് (Image: Instagram)

വംശീയ അധിക്ഷേപവും വിദ്വേഷ പ്രതികരണങ്ങളുമാണ് ആൽബത്തിന് പ്രതികരണമായി തേടിയെത്തിയത്. മെയിലുകളായും ട്വീറ്റുകളായും ഇത്തരം സന്ദേശങ്ങളെത്തി. 'അമേരിക്കൻ ഗെയിം പ്രൊമോട്ട് ചെയ്യുന്നതിന് ഈ ഇരുണ്ട തീവ്രവാദി എന്തിനാണ്'?, 'മിഡിൽ ഈസ്റ്റിലേക്ക് മടങ്ങിപ്പോയി ബുർഖ ധരിക്കു', 'നിങ്ങളുടെ നാട്ടിലേക്ക് മടങ്ങിപ്പോയി കൂട്ട ബലാത്സംഗത്തിനിരയാകു' തുടങ്ങി ചില പ്രതികരണങ്ങളാണ് ഉദാഹരണമായി പ്രിയങ്ക എടുത്തു കാട്ടിയത്. (Image: Instagram)

ഇന്ത്യയിൽ നിന്നും വിദേശത്തേക്ക് കുടിയേറിയത് മുതൽ നേരിടേണ്ടി വരുന്ന വംശീയ അധിക്ഷേപത്തെക്കുറിച്ച് പല അവസരത്തിലും പ്രിയങ്ക നേരത്തെ തന്നെ വെളിപ്പെടുത്തിയിരുന്നു. (Image: Instagram)

എന്നാൽ പ്രശസ്തിയുടെ നെറുകയിൽ നിൽക്കുമ്പോഴും വിദ്വേഷത്തിന് ഇരയായതിനെക്കുറിച്ചുള്ള വെളിപ്പെടുത്തലുകൾ ഇപ്പോഴാണ് പുറത്തു വരുന്നത്. എല്ലാം പ്രതികൂല ഘടകങ്ങളെയും അവഗണിച്ച് മുന്നേറുന്ന പ്രിയങ്ക നിലവിൽ ഇന്ത്യയിൽ മാത്രമല്ല യുഎസിലും അറിയപ്പെടുന്ന ഒരു മുഖമാണ്. (Image: Instagram)

Priyanka Chpra Jonas. (Image: Instagram)