അന്ന് തലൈവർ രജനികാന്തിനെ കെട്ടിപ്പിടിച്ച 12കാരൻ; ഇന്ന് തമിഴകത്തെ അറിയപ്പെടുന്ന നടനും നർത്തകനും

'ഈ ചിത്രമെടുക്കുമ്പോൾ ഞാൻ തലൈവർ ഫാൻസ്‌ കബ്ബിലെ 12 കാരൻ പയ്യനായിരുന്നു. കുട്ടിക്കാലം മുതൽ എനിക്കദ്ദേഹത്തോടുള്ള സ്നേഹവും കരുതലും ഒരിക്കലും മാറിയിട്ടില്ല, ഒരിക്കലും മാറുകയുമില്ല'. ഈ ചിത്രം പങ്കിട്ടുകൊണ്ട് തമിഴകത്തെ നടനും, നർത്തകനും, സംവിധായകനുമായ പ്രമുഖ വ്യക്തിയുടെ പോസ്റ്റാണ്. ഈ ചിത്രത്തിലെ കുട്ടികളിലൊരാളാണ് അദ്ദേഹം

വർഷങ്ങൾക്ക് ശേഷം ഫൈറ്റ് മാസ്റ്റർ സൂപ്പർ സുബ്ബരായന് കാർ ക്ലീനർ ആയി ജോലിനോക്കിയിരുന്ന യുവാവിനെ കണ്ടെത്തുന്നതും തലൈവർ തന്നെ. അന്ന് ഡാന്സഴ്സ് യൂണിയനിൽ ചേരാൻ തലൈവർ നൽകിയ അവസരമാണ് ഇന്ന് കാണുന്ന നിലയിൽ ഇദ്ദേഹത്തെ മാറ്റിയത്. ഈ ചിത്രം ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ് 

തമിഴ് നടനും, നർത്തകനും, സംവിധായകനുമായ രാഘവ ലോറൻസാണ് ഇത്. ചിരഞ്ജീവിയുടെ സിനിമക്ക് കൊറിയോഗ്രാഫി ഒരുക്കിയാണ് ലോറൻസ് സിനിമാമേഖലയിൽ കാൽവയ്പ്പു നടത്തുന്നത്. പിന്നെ നടനായും, സംവിധായകനായും ഉയർന്നു

'ചിക്കു ബക്കു റയിലെ' എന്ന പ്രഭുദേവ ഗാനത്തിന്റെ പിന്നണി നർത്തകനായി ലോറൻസ് എത്തി. ഇനി രജനി ചിത്രം ചന്ദ്രമുഖിയുടെ രണ്ടാം ഭാഗത്തിൽ നായകനാവുന്നത് രാഘവ ലോറൻസാണ്

കോവിഡ് ധനസഹായമായി മൂന്നു കോടി രൂപ സംഭാവന ചെയ്ത് ലോറൻസ് വീണ്ടും വാർത്തകളിൽ നിറഞ്ഞു

ചന്ദ്രമുഖി 2ന് ലഭിച്ച അഡ്വാന്‍സ് തുക മുഴുവനും നല്‍കുകയായിരുന്നു ലോറന്‍സ്. പക്ഷെ അതും തികയാതെ വന്നപ്പോൾ കൂടുതൽ തുക കൊടുക്കാൻ സന്നദ്ധനായി ലോറൻസ് മുന്നോട്ടുവന്നിട്ടുണ്ട്

രാഘവ ലോറൻസ്