Rashmika Mandanna| ബോളിവുഡിൽ ചുവടുറപ്പിച്ച് രശ്മിക; അടുത്ത ചിത്രത്തിൽ റൺബീർ കപൂറിന്റെ നായിക

ബോളിവുഡിൽ (Bollywood)ആദ്യ ചിത്രം പുറത്തിറങ്ങുന്നതിനു മുമ്പ് തന്നെ നടി രശ്മിക മന്ദാനയ്ക്ക് (Rashmika Mandanna)കൈ നിറയെ ചിത്രങ്ങളാണ്. തെലുങ്ക് സിനിമകളിലൂടെ നിരവധി ആരാധകരെ സ്വന്തമാക്കിയ നടി ഇപ്പോൾ ബോളിവുഡിന്റേയും പ്രിയ താരമായി മാറിയിരിക്കുകയാണ്. (image: Instagram)

ബോളിവുഡിൽ രശ്മികയുടെ ആദ്യ ചിത്രം മിഷൻ മജ്നു ഈ വർഷമാണ് പുറത്തിറങ്ങുന്നത്. സിദ്ധാർത്ഥ് മൽഹോത്രയാണ് ചിത്രത്തിൽ നായകനായി എത്തുന്നത്. കൂടാത, അമിതാഭ് ബച്ചനൊപ്പം ഗുഡ് ബൈ എന്ന ചിത്രത്തിലും രശ്മിക അഭിനയിക്കുന്നുണ്ട്. (image: Instagram)

ബോളിവുഡിലെ ആദ്യ ചിത്രം പുറത്തിറങ്ങുന്നതിനു മുമ്പ് തന്നെ നിരവധി അവസരങ്ങളാണ് 'നാഷണൽ ക്രഷ്' എന്ന് വിശേഷിപ്പിക്കുന്ന രശ്മികയെ തേടിയെത്തുന്നത്. റൺബീർ കപൂർ നായകനാകുന്ന പുതിയ ചിത്രത്തിൽ രശ്മികയാണ് നായികയായി എത്തുന്നത്. (image: instagram)

അർജുൻ റെഡ്ഡി, കബീർ സിംഗ് എന്നീ ചിത്രങ്ങൾക്കു ശേഷം സന്ദീപ് റെഡ്ഡി വാങ്ക സംവിധാനം ചെയ്യുന്ന പുതിയ ചിത്രത്തിലാണ് നായികയായി രശ്മിക എത്തുന്നത്. റൺബീർ കപൂർ, അനിൽ കപൂർ, ബോബി ഡിയോൾ എന്നിവർ പ്രധാന വേഷത്തിലെത്തുന്ന ചിത്രത്തിന് ആനിമൽ എന്നാണ് പേരിട്ടിരിക്കുന്നത്.‌ (image: Instagram)

നേരത്തേ ചിത്രത്തിൽ പരിനീതി ചോപ്ര നായികയായി എത്തുമെന്നാണ് അണിയറ പ്രവർത്തകർ അറിയിച്ചിരുന്നത്. എന്നാൽ ഇംതിയാസ് അലിയുടെ പുതിയ ചിത്രം 'ചംകീല'യ്ക്കു വേണ്ടി പരിനീതി ഈ ചിത്രം ഉപേക്ഷിക്കുകയായിരുന്നു. പരിനീതിക്ക് പകരമായാണ് രശ്മിക ആനിമലിൽ നായികയായി എത്തുന്നത്. (Image: Instagram)

അടുത്ത വർഷം ഓഗസ്റ്റ് 11 നാണ് സിനിമയുടെ റീലീസ് എന്നാണ് കരുതുന്നത്. ചിത്രത്തിൽ അക്രമാസക്തനായ നായകനായിട്ടായിരിക്കും റൺബീർ കപൂർ എത്തുന്നത് എന്നാണ് റിപ്പോർട്ടുകൾ. നിലവിൽ ബ്രഹ്മാസ്ത്ര എന്ന സിനിമയുടെ തിരക്കുകളിലാണ് റൺബീർ.

ഈ മാസം തന്നെ പുതിയ സിനിമയുടെ ചിത്രീകരണം ആരംഭിക്കുമെന്നാണ് ഏറ്റവും പുതിയ വാർത്ത.