ആക്ഷനും കട്ടിനും മുൻപും പിൻപും പുതിയ ചില കാര്യങ്ങൾ കൂടി; ലോക്ക്ഡൗണിന് ശേഷമുള്ള ഷൂട്ടിംഗ് ഇപ്പോൾ ഇങ്ങനെ

ലോക്ക്ഡൗണിന് ശേഷം പുനഃരാരംഭിച്ച സിനിമാ/സീരിയൽ ഷൂട്ടിംഗ് പ്രവർത്തനങ്ങളിൽ പുത്തൻ ചിട്ടവട്ടങ്ങൾ. ലൊക്കേഷനുകളിൽ കർശന നിയന്ത്രണങ്ങളോടെയാണ് അഭിനേതാക്കൾ ഉൾപ്പെടെയുള്ളവർ വന്നുപോകുന്നത്

സ്വന്തം മേക്കപ്പ് കിറ്റ്, ക്യാമറക്ക് മുന്നിലല്ലാത്ത നേരം മാസ്ക്, ഗ്ലൗസ്, സാമൂഹിക അകലം, കൂടാതെ കഴിയുന്നതും വളരെക്കുറച്ചു മാത്രം ക്രൂ അംഗങ്ങൾ എന്നിങ്ങനെ പോകുന്നു ലൊക്കേഷനുകളിലെ അടിസ്ഥാന നിയമങ്ങൾ. തീർന്നില്ല, ഇനിപ്പറയുന്ന കാര്യങ്ങളും എല്ലായിടത്തും നിർബന്ധമാണ്

സെറ്റിലെ എല്ലാവർക്കും സുരക്ഷാ കിറ്റുകൾ നൽകും. എല്ലാ പ്രതലവും സാനിറ്റൈസ് ചെയ്തിരിക്കും, കൃത്യമായ ഇടവേളകളിൽ ഊഷ്മാവ് അളക്കും. മാസ്ക്കും ഷീൽഡും നിർബന്ധമാണ്

ഷൂട്ടിങ്ങിനായി ആവശ്യമുള്ളവർ മാത്രമേ സെറ്റിൽ വരാൻ പാടുള്ളൂ. മുംബൈയിലെ ഗ്രീൻ സോൺ മേഖലയിൽ പോലും നിയന്ത്രങ്ങൾ കടുപ്പിച്ചിട്ടുണ്ട്

ഷൂട്ടിന് മുൻപ് 14-16 ദിവസം വരെ താരങ്ങൾ ക്വറന്റീനിൽ കഴിയണം എന്ന് നിർബന്ധമുണ്ട്. താപനിലയും ഹൃദയമിടിപ്പും പരിശോധിക്കാൻ ഡോക്‌ടർമാരുടെ സേവനവും നിർമ്മാതാക്കൾ ഉറപ്പുവരുത്താറുണ്ട്. സ്റ്റുഡിയോക്ക് പുറത്ത് ചിലയിടങ്ങളിൽ സാനിറ്റേഷൻ ടണലും ഒരുക്കിയിട്ടുണ്ട്

മലയാള ചിത്രം സുനാമിയുടെ ലൊക്കേഷനിൽ ലാൽ, ജീൻ പോൾ ലാൽ ഒപ്പം മറ്റംഗങ്ങളും

സുനാമിയുടെ ലൊക്കേഷനിൽ മാസ്ക് ധരിച്ച് സംവിധായകൻ ലാൽ

ഷൈൻ ടോം ചാക്കോ ചിത്രത്തിന്റെ ലൊക്കേഷനിലെ കാഴ്ച