Pushpa 2 | പുഷ്പ രണ്ടാംഭാഗത്തിൽ 10 മിനിറ്റ് അഭിനയിക്കാൻ മലയാള സിനിമ സമ്മാനിച്ച നടിയും!

100 കോടി ക്ലബ് ഭേദിച്ച് ബോക്സ് ഓഫീസിനെ പിടിച്ചു കുലുക്കിയ ചിത്രമാണ് അല്ലു അർജുൻ, രശ്‌മിക മന്ദാന എന്നിവർ കേന്ദ്രകഥാപാത്രങ്ങളായ 'പുഷ്പ: ദി റൈസ്' (Pushpa: The rise). സിനിമയിൽ വില്ലൻ വേഷം ചെയ്യാൻ നടൻ ഫഹദ് ഫാസിലും ഉണ്ടായിരുന്നു. ഇനി രണ്ടാം ഭാഗത്തിന്റെ വരവാണ്. 'പുഷ്പ: ദി റൂൾ' എന്ന സീക്വലിന്റെ ഷൂട്ടിംഗ് ആരംഭിച്ചിട്ടില്ല. സെപ്തംബർ 15ന് ശേഷം ഷൂട്ടിംഗ് ആരംഭിക്കുമെന്ന് റിപ്പോർട്ടുകൾ ഉണ്ട്

ഇതുവരെ, പുഷ്പ രണ്ടാം ഭാഗത്തിന്റെ റിലീസ് തീയതി ഡിസംബറിൽ എന്നാണ് അറിയിച്ചിട്ടുള്ളത്. പുഷ്പ: ആദ്യ ഭാഗത്തിന്റെ കഥ പിന്തുടരുന്ന തരത്തിലാണ് രണ്ടാം ഭാഗം ആരംഭിക്കുക. പുഷ്പയും ഐപിഎസ് ഓഫീസർ ഭൻവർ സിംഗും തമ്മിലുള്ള പോരാട്ടത്തിലാവും തുടങ്ങുക എന്ന് സൂചനയുണ്ട്. എന്നാൽ, ഇപ്പോൾ ലഭിക്കുന്ന റിപോർട്ടുകൾ അനുസരിച്ച് മലയാളത്തിന്റെ ഒരു പ്രിയ നടിയും സിനിമയുടെ ഭാഗമാകും (തുടർന്ന് വായിക്കുക)

ഈ വേഷം ദൈർഘ്യമേറിയതായിരിക്കില്ലെന്നാണ് റിപ്പോർട്ടുകൾ സൂചിപ്പിക്കുന്നത്. അവർ ഒരു ആദിവാസി പെൺകുട്ടിയുടെ കഥാപാത്രത്തെ അവതരിപ്പിക്കും. കഥാപാത്രത്തിന് 10 മിനിറ്റിൽ കൂടുതൽ സ്‌ക്രീൻ സ്‌പെയ്‌സ് ഉണ്ടാവില്ലെന്നും റിപ്പോർട്ടുകൾ പറയുന്നു

നടി സായ് പല്ലവി ചിത്രത്തിന്റെ ഭാഗമാകാൻ പോവുകയാണെന്ന് ഒരു റിപ്പോർട്ട് പരാമർശിക്കുന്നു. പുഷ്പയുടെ അനുജത്തിയുടെ വേഷം സായ് അവതരിപ്പിക്കുമെന്ന് നേരത്തെ റിപ്പോർട്ടുകളുണ്ടായിരുന്നു. റിപ്പോർട്ടുകൾ പ്രകാരം, ഈ റോൾ വളരെ നിർണായകമായിരിക്കും

കഥാപാത്രത്തോട് നീതി പുലർത്താൻ കഴിയുന്ന ഒരു മികച്ച താരത്തെ അണിനിരത്താനാണ് ചിത്രത്തിന്റെ സംവിധായകൻ സുകുമാർ ആഗ്രഹിച്ചത്. ഈ കഥാപാത്രം ചെയ്യാൻ സായിയെ അദ്ദേഹം പ്രേരിപ്പിച്ചതായും അവർ പ്രോജക്റ്റിന് അനുമതി നൽകിയതായും സൂചനയുണ്ട്

'പുഷ്പ: ദി റൂൾ' എന്ന ചിത്രത്തിന്റെ റിലീസ് ഇപ്പോഴും കൃത്യമായി പറയാൻ സാധിക്കുന്നില്ല എങ്കിലും, ആദ്യ ഭാഗത്തിന്റെ വിജയത്തിന് ശേഷം രണ്ടാം ഭാഗത്തിനായി പ്രേക്ഷകർ ആകാംക്ഷയോടെ കാത്തിരിക്കുകയാണ്