Sai Pallavi | താൻ നാഗ ചൈതന്യയെ ചുംബിച്ചിട്ടില്ല; ചുംബന രംഗത്തെ കുറിച്ച് സായ് പല്ലവി

തെന്നിന്ത്യൻ സിനിമാ ലോകത്ത് വീണ്ടും സായി പല്ലവി തരംഗമാണ്. മാരി 2 ലെ റൗഡി ബേബി എന്ന ഗാനരംഗത്തിലെ ചടലുമായ നൃത്തം കൊണ്ട് ആരാധകരെ കയ്യിലെടുത്ത സായ് പല്ലവി ഇതാ വീണ്ടും ഞെട്ടിച്ചിരിക്കുകയാണ്.

ഇക്കുറി തെലുങ്ക് സിനിമയിലാണ് പല്ലവിയുടെ കിടിലൻ നൃത്തച്ചുവടുകൾ. നാഗ ചൈതന്യ നായകനായ ശേഖർ കമ്മുല സംവിധാനം ചെയ്ത ലൗ സ്റ്റോറി സൂപ്പർഹിറ്റായി മുന്നേറിക്കൊണ്ടിരിക്കുകയാണ്. പല്ലവിയുടേയും നാഗ ചൈതന്യയുടേയും നൃത്തവും കെമിസ്ട്രിയുമെല്ലാം ആരാധകർക്ക് നന്നായി ഇഷ്ടപ്പെട്ടു.

ചിത്രത്തിൽ സായ് പല്ലവിയുടെ നൃത്തം കണ്ട് തെലുങ്കിലെ സൂപ്പർതാരങ്ങളടക്കം അഭിനന്ദിച്ചിരിക്കുകയാണ്. പല്ലവിയുടെ നൃത്തം കണ്ട് ആവേശത്തിലായെന്നാണ് സൂപ്പർ താരം മഹേഷ് ബാബു ട്വീറ്റ് ചെയ്തത്.

ചിത്രത്തിലെ ഒരു രംഗമാണ് ഇപ്പോൾ ചർച്ചയായിക്കൊണ്ടിരിക്കുന്നത്. ചിത്രത്തിൽ നാഗചൈതന്യയുമായി ഒരു ചുംബന രംഗമുണ്ട്. ചുംബന രംഗങ്ങളിൽ അഭിനയിക്കാൻ പുതിയ കാലത്ത് നടീനടന്മാരിൽ പലരും തയ്യാറാണെങ്കിലും സായ് പല്ലവി ഇതിൽ നിന്നും വിട്ടു നിന്നിരുന്നു.

സായ് പല്ലവി തന്റെ 'നോ കിസ്സിംഗ് റൂൾ' നിലപാട് മാറ്റിയോ എന്നാണ് ആരാധകരുടെ സംശയം. ഇതിന് മറുപടിയുമായി വന്നിരിക്കുകയാണ് താരം. ഒരു ഓൺലൈൻ പോർട്ടലിന് നൽകിയ അഭിമുഖത്തിലാണ് പല്ലവി ഈ രംഗത്തെ കുറിച്ച് പറയുന്നതെന്ന് ഫിലിംഫെയർ ഡോട്ട് കോം റിപ്പോർട്ട് ചെയ്യുന്നു

ഈ രംഗത്തിൽ താൻ യഥാർത്ഥത്തിൽ നാഗ ചൈതന്യയെ ചുംബിച്ചിട്ടില്ലെന്നാണ് സായ് പല്ലവി പറയുന്നത്. താൻ ചുംബന രംഗങ്ങളിൽ അഭിനയിക്കില്ലെന്നും അതിനോട് താത്പര്യമില്ലെന്നും നടി വ്യക്തമാക്കി.

തനിക്ക് താത്പര്യമില്ലാത്ത രംഗങ്ങൾ അഭിനയിക്കാൻ സംവിധായകൻ ശേഖർ കമ്മുല ഒരിക്കലും നിർബന്ധിച്ചിട്ടില്ല. ക്യാമറാമാൻ സമർത്ഥമായി ചിത്രീകരിച്ച രംഗമാണ് അതെന്നും താനും നാഗചൈതന്യയും യഥാർത്ഥത്തിൽ ചുംബിച്ചിട്ടില്ലെന്നും നടി പറയുന്നു.