Ali Akbar movie | അലി അക്ബർ ചിത്രം '1921: പുഴ മുതൽ പുഴ വരെ' പൂജ കഴിഞ്ഞു

സംവിധായകൻ അലി അക്ബർ സംവിധാനം ചെയ്യുന്ന ' 1921: പുഴ മുതൽ പുഴ വരെ' എന്ന ചിത്രത്തിന്റെ സ്വിച്ച് ഓൺ, പൂജ ചടങ്ങുകൾ കഴിഞ്ഞു. കോഴിക്കോട് നളന്ദ ഓഡിറ്റോറിയത്തിലായിരുന്നു പരിപാടി. കൊളത്തൂർ അദ്വൈതാശ്രമത്തിലെ സ്വാമി ചിദാനന്ദപുരിയാണ് പരിപാടികൾ നിർവഹിച്ചത്. മലബാർ കലാപത്തെ ആസ്‌പദമാക്കി അലി അക്ബർ ഒരുക്കുന്ന സിനിമയാണിത്

മൂകാംബിക ക്ഷേത്രത്തിലായിരുന്നു സിനിമയുടെ തിരക്കഥ സമർപ്പിച്ചത്. ആഷിഖ് അബു- പൃഥ്വിരാജ് ചിത്രം 'വാരിയംകുന്നൻ' പ്രഖ്യാപിച്ചതിനു തൊട്ടുപിന്നാലെയാണ് സമാന്തരമായി മലബാർ കലാപം പറയുന്ന സിനിമ അലി അക്ബർ പ്രഖ്യാപിച്ചത്

1921ൽ നടന്ന സംഭവത്തെ ആസ്പദമാക്കി ഒരുക്കുന്ന സിനിമ പൂർണ്ണമായും പൊതുജന പങ്കാളിത്തത്തോടെ അണിയിച്ചൊരുക്കുന്ന ചിത്രമാണ്. ഭാരതപുഴ മുതല്‍ ചാലിയാര്‍ പുഴ വരെ നീളുന്ന പ്രദേശത്തു നടന്ന സംഭവമായതിനാലാണ് ഈ പേര് നൽകിയിരിക്കുന്നത് എന്ന് സംവിധായകൻ പറഞ്ഞു

ഈ സിനിമയ്ക്ക് വേണ്ടി സംവിധായകൻ മേജർ രവിയുടെ മകൻ ഛായാഗ്രഹണം നിർവഹിക്കും എന്ന് പ്രഖ്യാപിച്ചിരുന്നു. മമധർമ്മ എന്ന പേരിൽ പൂർണ്ണമായും ക്രൗഡ് ഫണ്ടിംഗ് രീതി അവലംബിച്ചാണ് ചിത്രത്തിന് വേണ്ടിയുള്ള ഫണ്ട് രൂപീകരണം നടത്തിയത്. 6K ക്യാമറ ഉൾപ്പെടെയുള്ള സന്നാഹം ചിത്രത്തിനായി ഒരുങ്ങിക്കഴിഞ്ഞു

പൂജാ വേളയിലെ ചിത്രം. സിനിമയിലെ അഭിനേതാക്കൾ ആരെല്ലാം എന്ന് അലി അക്ബർ പ്രഖ്യാപിച്ചിട്ടില്ല