പ്രേക്ഷകരുടെ സൂഫി ദേവ് മോഹന്റെ വിവാഹ ചിത്രം തേടി പോയാൽ കാണുന്നത് എന്തെന്നറിയേണ്ടേ?

ആദ്യ ചിത്രത്തിലൂടെ തന്നെ പ്രേക്ഷകരുടെ മനം കവർന്ന നടനാണ് ദേവ് മോഹൻ. സൂഫിയും സുജാതയും ചിത്രത്തിലെ യുവകോമളനായ സൂഫി ചുരുങ്ങിയ കാലം കൊണ്ട് തന്നെ ഒട്ടേറെ ആരാധകരെ നേടിയിട്ടുണ്ട്. ഓഗസ്റ്റ് മാസം അവസാനത്തോട് കൂടി ദേവ് മോഹൻ വിവാഹിതനായി എന്ന വാർത്ത പുറത്തു വന്നിരിക്കുകയാണ്. റെജീനയാണ് വധു

എന്നാൽ ദേവ് മോഹന്റെ വിവാഹ ചിത്രമോ വിവാഹ വിശേഷമോ അന്വേഷിച്ചിറങ്ങിയാൽ താരത്തിന്റെ ഇൻസ്റ്റഗ്രാം പ്രൊഫൈലിൽ നിന്നും ലഭിക്കുന്ന ചിത്രങ്ങൾ അതൊന്നുമല്ല. വധുവിനെ പരിചയപ്പെടുത്തിയ പോസ്റ്റിനു ശേഷം വരുന്നത്‌ ദേവ് മോഹൻ പൂക്കളത്തിനുള്ള പൂവിനരികെ ഇരിക്കുന്ന ചിത്രമാണ്. വിവാഹ ശേഷമുള്ള ആദ്യ ഓണത്തിന്റെ ചിത്രം പോലും ഇതുവരെയും എങ്ങും എത്തിയിട്ടില്ല 

അതുകഴിഞ്ഞാലാകട്ടെ, ഫുട്ബോൾ കളിക്കുന്ന ചിത്രവും. കല്യാണത്തിന്റെ ചിത്രങ്ങൾ ഒന്നും തന്നെ ദേവ് മോഹൻ പോസ്റ്റ് ചെയ്തിട്ടില്ല.

ബംഗളുരുവിൽ ജോലി ചെയ്യുന്ന റെജീന മലപ്പുറം സ്വദേശിനിയാണ്. പത്തുവർഷത്തോളം ഇവർ തമ്മിൽ പരിചയമുണ്ട്. റജീനയുടെ കുടുംബത്തിൽ ഉണ്ടായ മരണത്തെ തുടർന്ന് വിവാഹം ലളിതമാക്കി എന്നാണ് റിപ്പോർട്ട്

അദിതി റാവു ഹൈദരിയാണ് സൂഫിയുടെ നായിക സുജാതയായി വെള്ളിത്തിരയിലെത്തിയത്. നീണ്ട നാളുകൾക്കു ശേഷം അദിതി മലയാളത്തിലേക്ക് മടങ്ങിയെത്തിയ ചിത്രമാണ്

മലയാളത്തിൽ നിന്നും ഡയറക്റ്റ് ഡിജിറ്റൽ റിലീസ് ചെയ്യുന്ന ആദ്യ താര ചിത്രമാണ് 'സൂഫിയും സുജാതയും'