No OTT for KAAVAL | 'ഇത് തിയേറ്ററിൽ കാണാനുള്ള സിനിമ'; സുരേഷ് ഗോപിയുടെ കാവൽ ഒടിടി റിലീസിനില്ല

സുരേഷ് ഗോപി ചിത്രം ‘കാവൽ’ റിലീസ് ചെയ്യുന്നത് തിയേറ്ററിൽ. ചിത്രം തിയേറ്ററിൽ കാണുന്നതിനു വേണ്ടി മാത്രം അണിയിച്ചൊരുക്കിയതാണെന്നും ജനം എന്ന് തിയേറ്ററിലെത്തുമോ അന്ന് സിനിമ റിലീസ് ചെയ്യും. സുരേഷ് ഗോപിയുടെ ഓഫീഷ്യൽ ഇൻസ്റ്റഗ്രാ പേജിലാണ് ഇക്കാര്യം വ്യക്തമാക്കിയിരിക്കുന്നത്.

തിയേറ്ററിൽ റിലീസ് ചെയ്യുന്ന കാര്യം ചിത്രത്തിൻരെ സംവിധായകൻ നതിൻ രഞ്ജി പണിക്കരുംസ്ഥിരീകരിച്ചതാണ് ഇൻസ്റ്റ പോസ്റ്റിൽ വ്യക്തമാക്കുന്നു.

നിതിൻ‌ രൺജി പണിക്കർ സംവിധാനം ചെയ്യുന്ന കാവൽ നിർമിക്കുന്നത് ഗുഡ്‌വിൽ എന്റെർടെയിൻമെന്റ്സിനു വേണ്ടി ജോബി ജോർജാണ്. അഭിനയരംഗത്തെ ചെറിയ ഇടവേളയ്ക്കു ശേഷം ഇക്കൊല്ലം വരനെ ആവശ്യമുണ്ട് എന്ന സിനിമയിലൂടെ മികച്ച തിരിച്ചുവരവ് നടത്തിയ സുരേഷ് ഗോപിയുടെ മാസ് ആക്‌ഷൻ സിനിമയാണ് കാവൽ.

സുരേഷ് ഗോപിയുടെ പിറന്നാൾ ദിനത്തിൽ പുറത്തിറക്കിയ ചിത്രത്തിന്റെ ടീസറിന് വലിയ സ്വീകാര്യതയാണ് ലഭിച്ചത്. രൺജി പണിക്കരും ഒരു പ്രധാന വേഷത്തിൽ എത്തുന്നുണ്ട്.

2020 ജനുവരിയിൽ ഷൂട്ടിംഗ് ആരംഭിച്ച് ലോക് ഡൗൺ പ്രഖ്യാപിച്ചതിനെ തുടർന്ന് ചിത്രത്തിന്റെ ഷൂട്ടിംഗ് നിർത്തിവച്ചിരുന്നു. പിന്നീട് ലോക്ഡൗൺ മാനനണ്ഡങ്ങൾ പാലിച്ച് ചിത്രീകരണം പൂർത്തിയാക്കിയിരുന്നു. സുരേഷ് ‌ഗോപിയുടെ ഔദ്യോഗിക പേജ് വഴിയാണ് ചിത്രീകരണം പൂർത്തിയായ വിവരവും പുറത്തുവിട്ടത്.

ഹെെറേഞ്ച് പശ്ചാത്തലത്തിൽ രണ്ടു കാലഘട്ടത്തിന്റെ കഥ ദൃശ്യവൽക്കരിക്കുന്ന ഈ ചിത്രം ഒരു ആക്ഷൻ ഫാമിലി ഡ്രാമ ആയിരിക്കുമെന്ന് നിഥിൻ പറഞ്ഞു.

ലാൽ ഒരു കഥാപാത്രത്തെ അവതരിപ്പിക്കുന്നു. സയാ ഡേവിഡ് ശ്രദ്ധേയമായ മറ്റൊരു കഥാപാത്രത്തെ അവതരിപ്പിക്കുന്നു. ഐ.എം. വിജയൻ, അലൻസിയർ, പത്മരാജ് രതീഷ്, സുജിത് ശങ്കർ, സന്തോഷ് കീഴാറ്റൂർ, കിച്ചു ടെല്ലസ്, ബിനു പപ്പു, മോഹൻ ജോസ്, കണ്ണൻ രാജൻ പി. ദേവ്, മുരുകൻ, മുത്തുമണി തുടങ്ങിയവരാണ് മറ്റു പ്രധാന താരങ്ങൾ.