ഒന്പതാം ക്‌ളാസ്സിലെ മഞ്ജു വാര്യർ; അന്നത്തെ മഞ്ജുവിന്റെ പേര് ഇതായിരുന്നു

അന്നത്തെയും ഇന്നത്തെയും മഞ്ജു വാര്യരാണ് ചിത്രത്തിന്റെ രണ്ട് പകുതികളിലായി കാണുന്നത്. അടുത്തടുത്ത് വച്ചിരിക്കുന്ന ചിത്രങ്ങളാണെങ്കിലും ഒന്പതാം ക്‌ളാസ്സുകാരിയായ പെൺകുട്ടിയിൽ നിന്നും ലേഡി സൂപ്പർസ്റ്റാറിലേക്കുള്ള ദൂരമുണ്ട് ഈ ചിത്രങ്ങൾ തമ്മിൽ

1996ൽ സുന്ദർ ദാസ് സംവിധാനവും ലോഹിതദാസ് തിരക്കഥയും നിർവഹിച്ച സല്ലാപത്തിലൂടെയാണ് മഞ്ജു വെള്ളിത്തിരയിലെത്തുന്നത്. ആദ്യ ചിത്രത്തിലെ നായകൻ ദിലീപ് ആയിരുന്നു

വളരെ മികച്ച തുടക്കവും കരിയറും നിലനിന്ന മഞ്ജു വിവാഹത്തോടെ സിനിമയിൽ നിന്നും ഇടവേളയെടുത്തു. വിവാഹത്തിന് മുൻപ് അഭിനയിച്ച ചിത്രം 1999 ൽ പുറത്തുവന്ന കണ്ണെഴുതി പൊട്ടും തൊട്ട്. തിലകനും ബിജു മേനോനുമായിരുന്നു നായകന്മാർ

നീണ്ട ഇടവേള അവസാനിപ്പിച്ചത് 2014ലെ 'ഹൗ ഓൾഡ് ആർ യു' എന്ന സിനിമയിലാണ്. റോഷൻ ആൻഡ്രൂസ് സംവിധാനം ചെയ്ത സിനിമയിൽ മഞ്ജുവിന്റെ നായകൻ കുഞ്ചാക്കോ ബോബനായിരുന്നു

ഇതിനെല്ലാം മുൻപുള്ള മഞ്ജുവാണ് ഈ ചിത്രത്തിൽ കാണുന്നത്. ഒൻപതാം ക്ലാസ്സിൽ പഠിക്കുമ്പോൾ കേന്ദ്ര മനുഷ്യശേഷി വികസന വകുപ്പിന്റെ നാഷണൽ ടാലെന്റ്റ് സെർച്ച് ആൻഡ് ട്രെയിനിങ് സ്കോളർഷിപ് (ഭരതനാട്യം) നേടിയ യു.വി. മഞ്ജുവാണ് ചിത്രത്തിൽ. സിനിമയിൽ വന്ന ശേഷമുള്ള പേരിൽ മഞ്ജു അന്ന് അറിയപ്പെട്ടു തുടങ്ങിയിരുന്നില്ല. ഇൻസ്റ്റാഗ്രാം സ്റ്റോറിയായി മഞ്ജു പങ്കിട്ട ചിത്രമാണിത്

ഇനി ജ്യേഷ്‌ഠൻ മധു വാര്യർ സംവിധാനം ചെയ്യുന്ന 'ലളിതം സുന്ദരം' സിനിമയിൽ നായികയായും നിർമ്മാതാവായും മഞ്ജു എത്തും