കാമുകിയുണ്ടോ, കല്യാണംകഴിക്കാൻ തോന്നുന്നുണ്ടോ? ജനത കർഫ്യു ദിനത്തിൽ ഉണ്ണി മുകുന്ദന് കിട്ടിയത് രസകരമായ ചോദ്യങ്ങൾ

ജനത കർഫ്യു ദിനത്തിൽ പ്രേക്ഷകരോടും ആരാധകരോടും സംവദിക്കാൻ ഇൻസ്റ്റാഗ്രാമിൽ എത്തിയതാണ് നടൻ ഉണ്ണി മുകുന്ദൻ. സാധാരണയെ അപേക്ഷിച്ച് ഒത്തിരി സമയം ഉള്ള ദിവസമായതിനാൽ അവർ ചോദിക്കുന്നതിനൊക്കെ മറുപടി നൽകുമെന്ന് പറഞ്ഞായിരുന്നു ഉണ്ണി ആരംഭിച്ചത്. രസകരമായ ചോദ്യങ്ങളാണ് ഉണ്ണിക്ക് ആ ദിവസം പ്രേക്ഷകരിൽ നിന്നും ലഭിച്ചതും

ഉണ്ണിയുടെ പോസ്റ്റ് വന്നപ്പോഴേ ആദ്യം തന്നെ ട്രോളുകൾ ഇറങ്ങി. പിന്നെ ചോദ്യങ്ങളുടെ പെരുമഴയും

പതിനായിരത്തിനടുത്താണ് ഉണ്ണിയുടെ ആ പോസ്റ്റിന്റെ കമന്റ്‌ സെക്ഷനിലെ ചോദ്യോത്തരങ്ങളുടെ എണ്ണം

അതിൽ ചില ചോദ്യങ്ങൾ പലരും പല നാളുകളായി കേൾക്കാൻ കാത്തിരുന്നതാണ്. കാമുകിയുണ്ടോ എന്നായിരുന്നു ഒരാൾക്ക് അറിയേണ്ടിയിരുന്നത്. ഇല്ല എന്ന് ഉണ്ണി മറുപടി നൽകി. മറ്റൊരാൾക്ക് അറിയേണ്ടത് കല്യാണം കഴിക്കാൻ തോന്നുന്നില്ലേ എന്നായിരുന്നു. 'ഇല്ല' എന്നായിരുന്നു ഉണ്ണിയുടെ അഭിപ്രായം. ഇനിയുമുണ്ട് ചോദ്യങ്ങൾ

ഉണ്ണിയുടെ പ്രായം എത്ര, കോവിഡ്നെ പേടിയുണ്ടോ, എത്ര ഭാഷ സംസാരിക്കാൻ അറിയാം എന്നൊക്കെയായിരുന്നു ചിലത്. അഞ്ചു ഭാഷകൾ സംസാരിക്കാൻ അറിയാമെന്നു ഉണ്ണി സമ്മതിച്ചു. മലയാളി ആണെങ്കിലും ഉണ്ണി വളർന്നത് ഗുജറാത്തിലായിരുന്നു

അടുത്തതായി മേപ്പടിയാൻ എന്ന സിനിമയിൽ സിക്സ് പാക്ക് ഒക്കെ വെടിഞ്ഞ് തനി നാട്ടിൻപുറത്തുകാരനായി വേഷമിടുകയാണ് ഉണ്ണി