മേപ്പടിയാൻ പൂർത്തിയായി; ജയകൃഷ്ണനോട് വിട പറഞ്ഞ് ഉണ്ണി മുകുന്ദൻ

ജയകൃഷ്ണനോട് വിട പറഞ്ഞ് മേപ്പടിയാൻ ഷൂട്ടിംഗ് പൂർത്തിയാക്കി ഉണ്ണി മുകുന്ദൻ. നായക കഥാപാത്രമായ ജയകൃഷ്ണനാവാൻ വേണ്ടി വളർത്തിയ താടിയും മീശയും എടുത്ത ശേഷമുള്ള പുതിയ ഫോട്ടോ ഉണ്ണി ഇൻസ്റ്റഗ്രാമിൽ പോസ്റ്റ് ചെയ്തു. കഴിഞ്ഞ ദിവസമാണ് ചിത്രം പാക്ക് അപ്പ് പറഞ്ഞത്

ഇക്കഴിഞ്ഞ വിജയദശമി നാളിലാണ് മേപ്പടിയാൻ ചിത്രീകരണം ആരംഭിച്ചത്. ഉണ്ണിയുടെ നിർമ്മാണക്കമ്പനിയുടേതാണ് സിനിമ. എല്ലാവിധ കോവിഡ് മാനദണ്ഡങ്ങളും പാലിച്ചു കൊണ്ടാണ് ഷൂട്ടിംഗ് പൂർത്തിയാക്കിയത്. തിയേറ്റർ റിലീസ് ഉണ്ടാവുമെന്ന പ്രതീക്ഷയിൽ പൂർത്തിയാക്കിയ ചിത്രമാണിത്

വിഷ്ണു മോഹനാണ് ചിത്രത്തിന്റെ രചയിതാവും സംവിധായകനും. ചിത്രത്തിനായി ഉണ്ണി മുകുന്ദൻ സിക്സ് പാക്ക് ലുക്ക് വെടിഞ്ഞ് ശരീരഭാരം വർധിപ്പിച്ചിരുന്നു. സിനിമയുടെ ലൊക്കേഷനിൽ സൈജു കുറുപ്പ്, ശ്രീജിത്ത് രവി എന്നിവരുടെ പതിനഞ്ചു വർഷത്തെ സിനിമാ ജീവിതം ആഘോഷിച്ചിരുന്നു

മേപ്പടിയാൻ ഷൂട്ടിംഗ് ആരംഭിച്ച ദിവസത്തിൽ നിന്നും