ദുരിതാശ്വാസ സംഭാവന മാത്രം മതിയോ? യുവാക്കൾക്ക് തൊഴിൽ വാഗ്ദാനം പ്രഖ്യാപിച്ച് നടൻ വിജയ് ദേവരകൊണ്ട

കോവിഡ് നാളുകളിൽ പലർക്കും നഷ്‌ടപ്പെട്ടത്‌ ഉപജീവനമാർഗം കൂടിയാണ്. ദിവസവേതനക്കാർക്ക് പെട്ടെന്നുള്ള ലോക്ക്ഡൗൺ ഓർക്കാപ്പുറത്തേറ്റ പ്രഹരമായി. ഈ നാളുകളിൽ പലരും, സിനിമാ താരങ്ങൾ പ്രത്യേകിച്ചും, കോടികളാണ് സംഭാവനയായി നൽകിയത്. എന്നാൽ കോടികൾ നൽകിയിട്ടും വ്യത്യസ്തത പുലർത്തുകയാണ് അർജുൻ റെഡ്ഢി നായകൻ വിജയ് ദേവരകൊണ്ട

1.3 കോടി രൂപയാണ് വിജയ്‌യുടെ കോവിഡ് സഹായ നീക്കിയിരിപ്പ്. ഇത് പണം മാത്രമായല്ല, തൊഴിലായും മാറും. വിജയ് ദേവരകൊണ്ടയുടെ പ്ലാൻ ഇങ്ങനെയാണ്:

ദേവരകൊണ്ട ഫൗണ്ടേഷന്റെ ഭാഗമായി നൈപുണ്യ വികസനത്തിലൂടെ യുവാക്കൾക്ക് തൊഴിൽ നൽകുന്നതാണ് ഒരു പ്രൊജക്റ്റ്

മിഡിൽ ക്ലാസ് ഫണ്ടാണ് മറ്റൊന്ന്. ഇടത്തരം കുടുംബങ്ങളിൽ സ്വയം തൊഴിൽ ചെയ്തിരുന്നവർക്ക് വീട്ടിലേക്ക് ഭക്ഷണ സാമാനങ്ങൾ വാങ്ങാനുള്ളതാണ് ഈ ഫണ്ട്

നിലവിൽ ആന്ധ്രാപ്രദേശിലും തെലങ്കാനയിലുമാണ് സഹായമെത്തിക്കുന്നത്. മറ്റു സംസ്ഥാനങ്ങളിലെ കാര്യം ഉടനെ അറിയിക്കുമെന്ന് ദേവരകൊണ്ട പറയുന്നു

മാത്രമല്ല സഹായിക്കാൻ സന്മനസ്സുള്ളവക്ക് സംഭാവന നൽകാനും വിജയ് ദേവരകൊണ്ട https://thedeverakondafoundation.org/ എന്ന വെബ്‌സൈറ്റിൽ അവസരം ഒരുക്കിയിട്ടുണ്ട്