നടിയെ ആക്രമിച്ച കേസ്: ദൃശ്യങ്ങൾ ദിലീപിന് നൽകില്ല, കാണാനനുവദിക്കും

നടിയെ ആക്രമിച്ച കേസിൽ ദൃശ്യങ്ങൾ ദിലീപിന് നൽകില്ല എന്ന് സുപ്രീം കോടതി. ദൃശ്യങ്ങൾ ആവശ്യപ്പെട്ടുള്ള ഹർജി തള്ളി . എന്നാൽ കേസിന്റെ ഭാഗമായി വീഡിയോ ക്ലിപ്പ് കാണാൻ അനുവദിച്ചിട്ടുണ്ട്. ദിലീപിനോ അഭിഭാഷകർക്കോ ദൃശ്യങ്ങൾ പരിശോധിക്കാം. കേസിലെ വിചാരണക്ക് ഏർപ്പെടുത്തിയ സ്റ്റേ സുപ്രീംകോടതി പിൻവലിച്ചു. വിചാരണ തുടരാം

നടിയുടെ സ്വകാര്യത മാനിക്കണമെന്നും സുപ്രീംകോടതി

ദൃശ്യങ്ങൾ നൽകുന്നതിനെ നടിയും സംസ്ഥാന സർക്കാരും എതിർത്തു. മെമ്മറി കാർഡ് ദിലീപിന് നൽകുന്നത് തന്റെ സ്വകാര്യതക്ക് ഭീഷണിയുണ്ടാക്കുമെന്ന് നടി വാദിച്ചു

ദൃശ്യങ്ങൾ കേസിലെ രേഖയാണെന്നും അത് കാണുവാൻ തനിക്ക് അവകാശമുണ്ടെന്നുമായിരുന്നു ദിലീപിന്‍റെ വാദം.