പൃഥ്വിയുടെ സിനിമ റിലീസ്; ടെൻഷൻ മാറാൻ സുപ്രിയ ചെയ്തത്

ഭർത്താവ് നായകനും ഭാര്യ നിർമ്മാതാവുമായ ചിത്രം. പൃഥ്വിരാജ് നായകനും ഭാര്യ സുപ്രിയ മേനോൻ നിർമ്മാതാവുമായ ഡ്രൈവിംഗ് ലൈസൻസ് ക്രിസ്തുമസ് റിലീസ് ആയി തിയേറ്ററിൽ എത്തിയിരിക്കുകയാണ്. പൃഥ്വി കൂടി നിർമ്മാണ പങ്കാളിയായ പൃഥ്വിരാജ് പ്രൊഡക്ഷൻസ് മാജിക് ഫ്രയിംസുമായി ചേർന്നാണ് ഡ്രൈവിംഗ് ലൈസൻസ് തിയേറ്ററിൽ എത്തിച്ചിരിക്കുന്നത്

പക്ഷെ തങ്ങളുടെ ചിത്രം തീയേറ്ററിൽ എത്താൻ തയാറെടുക്കുമ്പോൾ സുപ്രിയക്ക് നല്ല ടെൻഷനാണ്. അത് മറികടക്കാൻ സുപ്രിയ തന്നെ മറുമരുന്ന് കണ്ടുപിടിച്ചിട്ടുമുണ്ട്. അക്കഥ ഇൻസ്റ്റാഗ്രാം വഴി സുപ്രിയ തന്നെ പങ്കിടുന്നു

അന്നേരം മാഗി നൂഡിൽസ് ഉണ്ടാക്കി കഴിച്ചാണ് സുപ്രിയ ടെൻഷൻ പടിക്കു പുറത്ത് നിർത്തുന്നത്. താൻ ഉണ്ടാക്കിയ മാഗി നൂഡിൽസിന്റെ പടം പോസ്റ്റ് ചെയ്താണ് സുപ്രിയ ആ 'രഹസ്യം' വെളിപ്പെടുത്തുന്നത്

സംവിധായകൻ ലാലിൻറെ മകൻ ജീൻ പോൾ ലാൽ സംവിധാനം ചെയ്യുന്ന ചിത്രമാണ് ഡ്രൈവിംഗ് ലൈസൻസ്. സച്ചി തിരക്കഥയൊരുക്കുന്ന ചിത്രത്തിൽ സുരാജ് വെഞ്ഞാറമൂടാണ് മറ്റൊരു പ്രധാന താരം

ആരാധകനായി സുരാജ് വെഞ്ഞാറമൂടും, താരമായി പൃഥ്വിരാജ് സുകുമാരനും എത്തുന്നു

ആടുജീവിതത്തിൽ കഥാപാത്രത്തിന് വേണ്ടി തയാറെടുക്കാൻ മൂന്നു മാസത്തെ ഇടവേളയിലാണ് പൃഥ്വി ഇപ്പോൾ