വിനീത്(ശ്രീനിവാസൻ), പ്രണവ് (മോഹൻലാൽ),കല്യാണി (പ്രിയദർശൻ) ആദ്യമായി; യുവതലമുറ 'ഹൃദയം' തുറക്കുന്നു

വിനീത് ശ്രീനിവാസൻ സംവിധാനം ചെയ്യുന്ന അ‍ഞ്ചാമത്തെ ചിത്രത്തിൽ നായികാ നായകൻമാരാകുന്നത് പ്രണവ് മോഹൻലാലും കല്യാണി പ്രയദർശനും. സിനിമയുടെ പേര് 'ഹൃദയം'. വിനീത് ശ്രീനിവാസൻ തന്റെ ഫേസ്ബുക്ക് പോസ്റ്റിലൂടെയാണ് സിനിമയുടെ വിശദാംശങ്ങൾ വിനീത് ആരാധകരെ അറിയിച്ചിരിക്കുന്നത്.

വനീത് ശ്രീനിവാസൻ എഴുതി സംവിധാനം ചെയ്യുന്ന 'ഹൃദയം' മെരിലാൻഡ് സിനിമാസിന്റെ ബാനറിൽ വൈശാഖ് സുബ്രഹ്മണ്യമാണ്  നിർമ്മിക്കുന്നത്.

പ്രണവിനെയും കല്യാണിയെയും കൂടാതെ ദർശനാ രാജേന്ദ്രനും മുഖ്യകഥാപാത്രത്തെ അവതരിപ്പിക്കും. ഓണം റിലീസായി 'ഹൃദയം' തിയേറ്ററുകളിൽ എത്തുമെന്നാണ് വിനീത് തന്റെ കൈപ്പടയിൽ തയാറാക്കിയ കുറിപ്പിൽ വ്യക്തമാക്കുന്നത്.

ശ്രീനിവാസൻ- മോഹൻലാൻ- പ്രിയദർശൻ ത്രയമായിരുന്നു ഒരു കാലത്ത് നിരവധി ഹിറ്റ് സിനിമകൾക്ക് പിന്നിൽ പ്രവർത്തിച്ചിരുന്നത്.

ഇവരുടെ രണ്ടാം തലമുറ വീണ്ടും ഒന്നിക്കുന്നെന്ന പ്രത്യേകതയും 'ഹൃദയ'ത്തിനുണ്ട്.