പണിയില്ലാതിരിക്കുമ്പോൾ ചെക്ക് കിട്ടുന്ന ഐഡിയ സതീശൻ കഞ്ഞിക്കുഴിക്ക് നൽകി മുരളി; ജയസൂര്യയുടെയും നരേന്റെയും രസകരമായ ചാറ്റ്

ലോക്ക്ഡൗൺ ഇളവുകൾ ലഭിച്ച ശേഷം ഏതാനും സിനിമകൾ ഷൂട്ടിംഗ് തുടങ്ങിയിട്ടുണ്ട്. എന്നാൽ പ്രഖ്യാപിച്ച പല ചിത്രങ്ങളും ഇന്നും ആരംഭിച്ചിട്ടില്ല. താര ചിത്രങ്ങളിൽ പലതും കൂടുതൽ ഇളവുകൾ മാത്രം ലഭിച്ചാൽ മാത്രം ആരംഭിക്കാൻ കഴിയുന്ന സാഹചര്യത്തിലാണ്. അതിനിടെയാണ് ഇടവേളയുടെ ഈ നാളുകൾ രസകരമാക്കി ജയസൂര്യയുടെയും നരേന്റെയും ചാറ്റ്

മകൾ തന്മയക്കൊപ്പം ചെസ് കളിക്കുന്ന നരേന്റെ ചിത്രത്തിന് താഴെയാണ് രസകരമായ ചാറ്റ് പ്രത്യക്ഷപ്പെട്ടത്

'ചെസ്സിൽ, ജീവിതത്തിലെന്ന പോലെ, ഓരോ മൂവും എണ്ണപ്പെടുന്നു. ചെക്ക്മേറ്റ് ആവുന്ന വരെ' എന്നാണ് നരേന്റെ ക്യാപ്‌ഷൻ

'നന്നായെടാ, പണിയില്ലാതിരിക്കുമ്പോൾ ഇങ്ങനെ എങ്കിലും ചെക്ക് കിട്ടുമല്ലോ' എന്നായി ജയസൂര്യയുടെ കമന്റ്

സത്യം, ഇപ്പോൾ എങ്ങനെയെങ്കിലും ഒരു ചെക്ക് കിട്ടിയാൽ മതി എന്ന് നരേന്റെ മറുപടി കമന്റ്

ലോക്ക്ഡൌൺ ദിവസങ്ങളിൽ ഇന്ദ്രജിത്, പൃഥ്വിരാജ്, ജയസൂര്യ, നരേൻ എന്നിവർ ചേർന്ന് വീഡിയോ കാൾ നടത്തിയതിന്റെ വിശേഷങ്ങളും ഇവർ പങ്കിട്ടിരുന്നു