Nanjiyamma | നഞ്ചിയമ്മയെ അട്ടപ്പാടിയിലെത്തി പൊന്നാടയണിയിച്ച് തമിഴ്നാട് ബി.ജെ.പി. അധ്യക്ഷൻ

അയ്യപ്പനും കോശിയും (Ayyappanum Koshiyum) സിനിമയിലെ നാടൻ പാട്ടിന് മികച്ച ഗായികയ്ക്കുള്ള ദേശീയ പുരസ്‌കാരം ലഭിച്ച നഞ്ചിയമ്മയെ (Nanjiyamma) നേരിട്ട് കണ്ട് പൊന്നാടയണിയിച്ച് ബി.ജെ.പി. നേതാവ് കെ. അണ്ണാമലൈ. ഇത്രയും മികച്ച നേട്ടം കൈവരിച്ച ഇരുള വിഭാഗത്തിന്റെ പ്രതിനിധിയായ നഞ്ചിയമ്മ അഭിമാനമാണെന്നും, താനും അവരിലൊരാളാണെന്നതിൽ അഭിമാനം കൊള്ളുന്നുവെന്നും അണ്ണാമലൈ ഫേസ്ബുക്ക് വീഡിയോ പങ്കിട്ടുകൊണ്ട് കുറിച്ചു

'പാട്ടി' (മുത്തശ്ശി) ഇപ്പൊ എന്ത് ചെയ്യുന്നു എന്ന ചോദ്യത്തിന് 'ചില സിനിമകളിൽ പാടുന്നു, മറ്റൊരെണ്ണത്തിൽ അഭിനയിക്കാനും പോകുന്നു' എന്ന് ഒപ്പമുണ്ടായിരുന്നയാൾ മറുപടി നൽകി (തുടർന്ന് വായിക്കുക)

സിനിമയിൽ അമ്മ വേഷമാണ് എന്നും വിശദീകരിച്ചു. ശേഷം അണ്ണാമലൈ സ്വയം പരിചയപ്പെടുത്തി. പോലീസിൽ സേവനമനുഷ്‌ഠിച്ചിരുന്നു എന്നും ഇപ്പോൾ തമിഴ്നാട്ടിൽ ബി.ജെ.പിക്ക് വേണ്ടി പ്രവർത്തിക്കുന്നുവെന്നും ആദ്ദേഹം അറിയിച്ചു

നഞ്ചിയമ്മയെ പുരസ്കാരത്തിനർഹയാക്കിയ ഗാനം രണ്ടു വരി പാടിക്കൊടുക്കുമോ എന്ന അണ്ണാമലയുടെ ചോദ്യത്തിന് 'പാട്ടി' രണ്ടാമതൊന്നു ആലോചിക്കാതെ പാടിത്തുടങ്ങി. പാട്ടിന്റെ താളത്തിനു അണ്ണാമലൈ കൈകൊട്ടി

‘അയ്യപ്പനും കോശിയും’ എന്ന മലയാള ചിത്രത്തിന് മികച്ച പിന്നണി ഗായികയ്ക്കുള്ള ദേശീയ അവാർഡ് 'നഞ്ചിയമ്മ പാട്ടിക്ക്' ലഭിച്ചതിൽ സന്തോഷമുണ്ട് എന്നും അദ്ദേഹം വീഡിയോ ക്യാപ്‌ഷനിൽ കുറിച്ചു

അണ്ണാമലൈ നഞ്ചിയമ്മയ്‌ക്കൊപ്പം അവരുടെ വീട്ടിൽ