Nayanthara Wedding | നയന്‍താര-വിഘ്നേഷ് ശിവന്‍ വിവാഹം തിരുപ്പതിയില്‍ ? ; തീയതി പുറത്ത്

തെന്നിന്ത്യന്‍ ലേഡി സൂപ്പര്‍ സ്റ്റാര്‍ നയന്‍താരയും സംവിധായകന്‍ വിഘ്നേഷ് ശിവനും വിവാഹിതരാകുന്നു എന്ന വാര്‍ത്ത സിനിമാ ലോകത്ത് പ്രചരിക്കാന്‍ തുടങ്ങിയിട്ട് ഏറെ നാളായി. പുറത്തുവരുന്ന റിപ്പോര്‍ട്ടുകളുടെ അടിസ്ഥാനത്തില്‍ ജൂണ്‍ 9നാകും ഇരുവരുടെയും വിവാഹം..

ഇരുവരുടെയും മാതാപിതാക്കളും അടുത്ത ബന്ധുക്കളും മാത്രം പങ്കെടുക്കുന്ന വിവാഹ ചടങ്ങ് തിരുപ്പതി ക്ഷേത്രത്തില്‍ വെച്ചാകും നടക്കുക എന്നും റിപ്പോര്‍ട്ടിലുണ്ട്. സുഹൃത്തുകള്‍ക്കും സിനിമരംഗത്തെ സഹപ്രവര്‍ത്തകര്‍ക്കുമായി മാലിദ്വിപില്‍ വിവാഹ സല്‍ക്കാരം നടത്തും.

വിഘ്നേഷ് ശിവന്‍ സംവിധാനം ചെയ്ത നാനും റൗഡി താന്‍ എന്ന ചിത്രത്തിന്‍റെ സെറ്റില്‍ വെച്ചാണ് ഇരുവരും പരിചയപ്പെടുന്നത്.  വിഘ്നേഷ് ശിവന്‍ സംവിധാനം ചെയ്ത് നയന്‍താരയും വിജയ് സേതുപതിയും സമാന്തയും അഭിനയിച്ച 'കതുവാക്കുള്ള രണ്ടു കാതല്‍' എന്ന ചിത്രം അടുത്തിടെയാണ് റിലീസ് ചെയ്തത്.

വാലന്റൈൻസ് ഡേ, ഹോളി, ദീപാവലി, പിറന്നാൾ അങ്ങനെ എല്ലാ വേളകളിലും ഇരുവരും പങ്കെടുക്കുന്ന ചിത്രങ്ങള്‍ സമൂഹമാധ്യമങ്ങളിലൂടെ ആരാധകര്‍ ഏറ്റെടുത്തു.

കഴിഞ്ഞ വർഷം വിജയ് ടിവിയിൽ സംപ്രേക്ഷണം ചെയ്ത ദിവ്യ ദർശിനിക്ക് നൽകിയ അഭിമുഖത്തിൽ നയൻതാര പറഞ്ഞ കാര്യങ്ങൾ വാർത്തയായിരുന്നു. “ഇത് എന്റെ വിവാഹനിശ്ചയ മോതിരമായിരുന്നു. ഞങ്ങൾ സ്വകാര്യത ആഗ്രഹിക്കുന്ന വ്യക്തികളാണ്. അതിനാൽ ഒരു വലിയ ചടങ്ങ് നടത്താൻ ഞങ്ങൾ ആഗ്രഹിച്ചില്ല. ഞങ്ങൾ വിവാഹം കഴിക്കാൻ തീരുമാനിക്കുമ്പോൾ, ഞങ്ങൾ തീർച്ചയായും എല്ലാവരേയും അറിയിക്കും. അടുത്ത കുടുംബാംഗങ്ങളുടെ സാന്നിധ്യത്തിലായിരുന്നു ഞങ്ങളുടെ വിവാഹനിശ്ചയം. കല്യാണം ഇതുവരെയായും തീരുമാനിച്ചിട്ടില്ല."

വിവാഹ വാര്‍ത്തയെ കുറിച്ച് മുന്‍പും പലതവണ മാധ്യമങ്ങള്‍ റിപ്പോര്‍ട്ട ചെയ്തപ്പോഴും ഔദ്യോഗികമായ ഒരു സ്ഥിരീകരണം ഇക്കാര്യത്തില്‍ നയന്‍താരയും വിഘ്നേഷും നടത്തിയിരുന്നില്ല. ഇപ്പോള്‍ പുറത്തുവന്ന റിപ്പോര്‍ട്ടിന്‍ മേല്‍ രണ്ടും പേരും ഒരു ഔദ്യോഗിക പ്രതികരണത്തിന് തയാറാകുമെന്ന പ്രതീക്ഷയിലാണ് ആരാധകര്‍.