Nazriya Nazim | നസ്രിയയ്ക്ക് ഇങ്ങനെയും ഒരു വിളിപ്പേരുണ്ടോ? ഇതുവരെ കേൾക്കാത്ത ആ പേര് വിളിച്ച് മായാ മോഹൻലാൽ

2006ലെ 'പളുങ്ക്' എന്ന മലയാള സിനിമയിൽ മമ്മൂട്ടിയുടെ മൂത്ത മകളായി വന്നത് മുതൽ നസ്രിയ എന്ന മിടുക്കിയെ പ്രേക്ഷകർക്ക് ഇഷ്‌ടമായി തുടങ്ങിയതാണ്. പിന്നീട് അവതാരകയായും ,നായികയായും, താരപത്നിയുമായെല്ലാം കഴിഞ്ഞ 15 വർഷമായി നസ്രിയ സിനിമാ ലോകത്തും പ്രേക്ഷകരുടെ ഹൃദയത്തിലും കുടികൊള്ളുന്നു

യുവത്വത്തിന്റെ പ്രതിനിധി എന്ന നിലയിൽ നസ്രിയ വളരെയേറെ ശ്രദ്ധ നേടിയിരുന്നു. ഭർത്താവ് ഫഹദ് സിനിമയിൽ വന്നത് പോലും വീട്ടിലെ ഓമനപ്പേരായ ഷാനു എന്നറിയപ്പെട്ടു കൊണ്ടാണ്. 'കയ്യെത്തും ദൂരത്ത്' സിനിമയിൽ ഫാസിൽ മകനെ ആദ്യമായി നടനായി അവതരിപ്പിച്ചത് അങ്ങനെയാണ്. പക്ഷെ നസ്രിയയ്ക്ക് മറ്റേതെങ്കിലും വിളിപ്പേരുള്ളതായി അറിയാമോ? ആ പേര് ഇപ്പോൾ വിളിച്ചിരിക്കുന്നത് മോഹൻലാലിൻറെ മകൾ വിസ്മയ മോഹൻലാൽ ആണ് (തുടർന്ന് വായിക്കുക)

വിസ്മയ ആദ്യമായി എഴുതി പ്രസിദ്ധീകരിച്ച 'ഗ്രെയ്ന്സ് ഓഫ് സ്റ്റാർഡസ്റ്റ്' എന്ന കവിതാസമാഹാരം അടുത്തിടെ പ്രസിദ്ധീകരിച്ചിരുന്നു. സിനിമാലോകത്ത് കുട്ടിക്കാലം മുതലുള്ള തന്റെ പ്രിയപ്പെട്ടവർക്ക് സ്വന്തം കൈപ്പടയിലെ വരികളും ചേർത്ത് മായ ഓരോ കോപ്പികൾ അയക്കുകയും ചെയ്തു. ഒരു കോപ്പി ലഭിച്ചത് ഷാനു ചേട്ടൻ എന്ന് മായ വിളിക്കുന്ന ഫഹദിന്റെ കുടുംബത്തിനാണ്. നസ്രിയക്കും ഫഹദിനും ചേർത്താണ് മായയുടെ കുറിപ്പ്

ഷാനു ചേട്ടനും 'നസായ രായ'ക്കുമാണ് മായ പുസ്തകം സമ്മാനിച്ചത്. പുസ്തകം ഇഷ്‌ടപ്പെടും എന്ന പ്രതീക്ഷയോടു കൂടിയാണ് മായ വരികൾ കുറിച്ചത്. അൽപ്പം വൈകിയാണെങ്കിലും നസ്രിയ വായിച്ച് അഭിപ്രായം രേഖപ്പെടുത്തുകയും ചെയ്തു

ഇതിലുള്ളതെല്ലാം വളരെ മനോഹരമാണ് എന്നാണു മായയുടെ നസായ രായയുടെ കമന്റ്. തന്റെ അഭിപ്രായം ഉൾപ്പെടുത്തി നസ്രിയ പോസ്റ്റ് ചെയ്ത ചിത്രമാണിത്

നസ്രിയ ഇനി തെലുങ്ക് സിനിമയുടെ തിരക്കുകളിലാണ്. നാനി നായകനാവുന്ന സിനിമയാണിത്. നസ്രിയയുടെ ആദ്യ തെലുങ്ക് ചിത്രം എന്ന പ്രത്യേകതയുമുണ്ട്. 'അന്റെ സുന്ദരനിക്കി' എന്നാണ് ചിത്രത്തിന് പേര്

മായയുടെ പുസ്തകത്തിന്റെ ഒരു കോപ്പി ദുൽഖർ സൽമാനും സമ്മാനിച്ചിരുന്നു. ഒന്നാം പിറന്നാൾ മുതൽ തന്റെ ഓർമ്മയിലുള്ള കുഞ്ഞ്, കവയത്രി ആയതിന്റെ സന്തോഷം ദുൽഖർ വാക്കുകളിൽ കുറിക്കുകയും ചെയ്തു  വിസ്മയയുടെ പുസ്തകവുമായി ദുൽഖർ