പ്രിയങ്കയുമായുള്ള പ്രായവ്യത്യാസത്തെപ്പറ്റി സംസാരിച്ച് ഭർത്താവ് നിക്ക് ജോനസ്

പൊതുപരിപാടികളിലും വേദികളിലും തങ്ങൾക്കിടയിലെ സ്നേഹം പ്രകടമാക്കുന്ന ദമ്പതികളാണ് ബോളിവുഡ് നടി പ്രിയങ്ക ചോപ്രയും നിക്ക് ജോനസും. നിക്കിന്റെ വിജയാഘോഷങ്ങളിൽ പ്രിയങ്കയും ഭാര്യയുടെ വിജയ നിമിഷങ്ങളിൽ നിക്കും പ്രത്യക്ഷപ്പെടാറുണ്ട്

മൂന്നു ദിവസങ്ങൾ നീണ്ട രാജകീയ പ്രൗഢിയോടുള്ള ആഘോഷങ്ങൾക്കൊടുവിൽ, 2018 ഡിസംബറിലായിരുന്നു ഇവരുടെ വിവാഹം

എന്നാൽ വിവാഹത്തിന് മുൻപും ശേഷവും ഏറ്റവുമധികം ചർച്ചയായത് ഇവർ തമ്മിലെ പ്രായവ്യത്യാസമാണ്

പ്രിയങ്കയും നിക്കും തമ്മിൽ 10 വയസ്സിന്റെ വ്യത്യാസമുണ്ട്. ഗായകനായ നിക് പ്രിയങ്കയേക്കാൾ ഇത്രയും വയസ്സിന് ഇളപ്പം എന്നതാണ് പലരെയും അനാവശ്യ വിവാദങ്ങളിലേക്കും ചർച്ചകളിലേക്കും വഴിവച്ചത്

ഒരിക്കൽ പ്രിയങ്കയോട് ചോദിച്ചപ്പോൾ താൻ 150 പേരുടെ അഭിപ്രായത്തിനു വേണ്ടി ജീവിതം മാറ്റുന്നതിനെപ്പറ്റി ചിന്തിച്ചിട്ടില്ല എന്നായിരുന്നു പ്രിയങ്കയുടെ മറുപടി. ഇപ്പൊ നിക്കും അതേപ്പറ്റിയുള്ള തന്റെ അഭിപ്രായം ഒരു റിയാലിറ്റി ഷോയിൽ വെളിപ്പെടുത്തുന്നു

'ദി വോയിസ് അഡ്രസ്ഡ്' എന്ന റിയാലിറ്റി ഷോയിൽ നിക് തന്റെ സഹ കോച്ച് ആയ കെലി ക്ലാർക്സന്നോടാണ് ഭാര്യയുമായുള്ള പ്രായവ്യത്യാസത്തെപ്പറ്റി സംസാരിച്ചത്

പരിപാടിയുടെ ഓഡിഷനിടെ പങ്കെടുത്തയാൾ ഒരു പഴയപാട്ടുപാടിയ ശേഷം ഇതല്പം പഴയതാണ് എന്ന് പറഞ്ഞിടത്താണ് തുടക്കം. 'എനിക്ക് 37 വയസ്സുണ്ട്, നിങ്ങൾക്ക് 27 അല്ലേ' എന്നായിരുന്നു നിക്കിനോട് കെലിയുടെ ചോദ്യം. ഇവിടെയാണ് ഭാര്യയുമായുള്ള പ്രായ വ്യത്യാസം നിക്ക് എടുത്തിട്ടത്

"എന്റെ ഭാര്യക്കും 37 വയസ്സുണ്ട്. അത് കൂളാണ്‌," എന്നായിരുന്നു നിക്കിന്റെ കമന്റ്

മെറ്റ് ഗാലയിൽ പ്രിയങ്ക ചോപ്രയും ഭർത്താവ് നിക്ക് ജോനസ്സും

പ്രിയങ്ക ചോപ്ര, നിക്ക് ജോനസ്