ലണ്ടനിൽ നിന്നും നിമിഷ സജയൻ; ഒപ്പമുള്ള കൂട്ടുകാരനെ പരിചയപ്പെടാം

'ഫൂട്പ്രിന്റ്സ് ഓൺ വാട്ടർ' എന്ന ഇംഗ്ലീഷ് സിനിമയിലെ പ്രധാന കഥാപാത്രത്തെ അവതരിപ്പിക്കുന്നത് മലയാളി താരം നിമിഷ സജയനാണ്. നതാലിയ ശ്യാം സംവിധാനം ചെയ്യുന്ന സിനിമയാണിത്. നിമിഷ ഇപ്പോൾ ലണ്ടനിലാണ്. ഏതാനും ദിവസങ്ങൾക്കു മുൻപ് ഈ സിനിമയുടെ ചിത്രീകരണം ആരംഭിച്ചു

ലണ്ടനിൽ എത്തിയതിൽ പിന്നെ നിമിഷ കുറെയേറെ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്തിരുന്നു. അതിൽ ചില ചിത്രങ്ങളിൽ നിമിഷയ്ക്കൊപ്പം ഒരാളെക്കൂടി കാണാം. ഇദ്ദേഹം ആരെന്നു ഒരു ടാഗ് കൊണ്ട് മാത്രമാണ് നിമിഷ അറിയിച്ചിരിക്കുന്നത്. ഒപ്പമുള്ളയാളുടെ പേര് അന്റോണിയോ എന്നാണ്. അന്റോണിയോ ആരാണ്?

മുഴുവൻ പേര് അന്റോണിയോ ആകീൽ. ഇംഗ്ലണ്ടിൽ നിന്നുമുള്ള നടനാണ് ഇദ്ദേഹം. നിമിഷ യു.കെ.യിൽ എത്തിയ സന്തോഷം അന്റോണിയോ തന്റെ പ്രൊഫൈലിലും പങ്കിട്ടു

ഹിന്ദിയും പഞ്ചാബിയും വശമുള്ള അന്റോണിയോയുടെ ആദ്യ ചിത്രം 'ഈറ്റൺ ബൈ ലയൺസ്' എന്ന ചിത്രമാണ്. നിമിഷയുടെ ചിത്രത്തിൽ അന്റോണിയോയും വേഷമിടുന്നുണ്ട്

ആദിൽ ഹുസൈനിന്റെ മകളുടെ വേഷമാണ് നിമിഷ അവതരിപ്പിക്കുന്നത്. നിമിഷയെ കൂടാതെ മലയാളി താരം ലെനയും ചിത്രത്തിന്റെ ഭാഗമായുണ്ട്

ബ്രിട്ടീഷ്-ഇന്ത്യൻ ഫീച്ചർ ഫിലിമായി ഒരുങ്ങുന്ന ചിത്രമാണ് 'ഫൂട്പ്രിന്റ്സ് ഓൺ വാട്ടർ'