'ഇതിലൂടെ നോക്കിയാൽ നഗ്നശരീരം കാണാം'; നൂറിൻ ഷെരീഫിനും കിട്ടി 'കോസ്‌മോഫ്രില്‍' കണ്ണട

നൂറിന്റെ മുഖത്തേക്ക് ഒന്ന് സൂക്ഷിച്ച് നോക്കിയേ, ആ കണ്ണട കണ്ടിട്ട് എന്തെങ്കിലും കുഴപ്പമുള്ളതായി തോന്നുന്നുണ്ടോ? പുറത്ത് നിന്നും നോക്കുന്നവർക്ക് ഒന്നും തോന്നിയില്ലെങ്കിലും അതിന്റെ ഉള്ളിലൂടെ നൂറിൻ കാണുന്നത് ഒരുപക്ഷെ നമ്മൾ വിചാരിക്കുംപോലെയാവില്ല. തന്റെ പുത്തൻ 'കോസ്മോഫ്രിൽ' കണ്ണടയെ പരിചയപ്പെടുത്തുകയാണ് നൂറിൻ

'നോക്കെത്താ ദൂരത്തു കണ്ണും നട്ട്' സിനിമയിലെ ഗേളി വച്ചിരിക്കുന്ന, 'നഗ്നശരീരങ്ങൾ  കാണാവുന്ന' ആ കണ്ണട ഓർക്കുന്നില്ലേ? ശേഷം ആകെ പരിഭ്രമിച്ച് നിൽക്കുന്ന മോഹൻലാലിന്റെ ആ രംഗവും ആരും മറക്കാനിടയില്ല. അതുതാനല്ലയോ ഇത് എന്ന് തോന്നുന്നോ?

'എനിക്ക് നിങ്ങളുടെ നഗ്ന ശരീരങ്ങൾ മാത്രമേ കാണാൻ കഴിയുന്നുള്ളൂ' എന്ന് നൂറിൻ ചിത്രത്തിന് ക്യാപ്‌ഷൻ നൽകുന്നു. തീർന്നില്ല, കമന്റു സെക്ഷനിൽ കൗതുകം ലേശം കൂടിയ ചോദ്യങ്ങളും എത്തിയിട്ടുണ്ട്

ഈ ഫോട്ടോ എടുത്ത ക്യാമറമാന്റെ അവസ്ഥ ഓർത്തവരും കണ്ണാടി വാടകക്ക് തരുമോ എന്ന് ചോദിച്ചവരും എല്ലാം കമന്റ് കോണിൽ ഉണ്ട്

'രക്ഷപെട്ടോ' എന്നാണ് നൂറിന്റെ ഫോട്ടോയ്ക്ക് ലഭിച്ച ആദ്യ കമന്റ്

ചോക്ലേറ്റ് റീടോള്‍ഡ്, പാത്തു വെഡ്‌സ് ഫ്രീക്കന്‍, വെള്ളേപ്പം സിനിമകളാണ് അടുത്തതായി നൂറിൻ വേഷമിടുന്ന ചിത്രങ്ങൾ