Oscars 2023 | ഓസ്‌കർ പുരസ്കാരത്തിന് മലയാളി ബന്ധം; കൊച്ചിയും 'ദി എലിഫന്റ് വിസ്പറേഴ്‌സും' തമ്മിൽ

14 വർഷങ്ങളുടെ ഇടവേള അവസാനിപ്പിച്ച് ഇന്ത്യയ്ക്ക് ഓസ്കർ (Oscars) സമ്മാനിച്ച ചിത്രമാണ് 'ദി എലിഫന്റ് വിസ്പറേഴ്സ്' (The Elephant Whisperers). പ്രകൃതിയുടെയും മൃഗങ്ങളുടെയും സുസ്ഥിര വികസനത്തിന്റെയും പാഠങ്ങൾ ഉൾക്കൊണ്ട ചിത്രം സംവിധാനം ചെയ്തത് കാർത്തികി ഗോൺസാൽവസാണ്. ഇതേ വേദിയിൽ തന്നെ ഇന്ത്യൻ സിനിമാ പ്രേക്ഷകർ കരഘോഷത്തോടെ വരവേറ്റ പാൻ ഇന്ത്യൻ ചിത്രം RRRലെ 'നാട്ടു നാട്ടു' ഗാനവും തൊട്ടുപിന്നാലെ ഓസ്കർ മുത്തമിട്ടു

മികച്ച ഡോക്യുമെന്ററി ഷോർട്ട് ഫിലിം വിഭാഗത്തിലാണ് 'ദി എലിഫന്റ് വിസ്പറേഴ്സ്' പുരസ്‌കാരം സ്വന്തമാക്കിയത്. സംവിധായകയും നിർമാതാവ് ഗുനീത് മോൻഗെയും ചേർന്നാണ് പുരസ്കാരവേദിയിലെത്തിയത്. എന്നാൽ ഈ പുരസ്‌കാര തിളക്കത്തിൽ രാജ്യം മുഴുവൻ അഭിമാനിക്കുമ്പോൾ, ഈ നേട്ടത്തിന്റെ ഒരു ഭാഗം കേരളത്തിൽ നിന്നും ഉത്ഭവിച്ചതാണ് എന്ന് കൂടി ഓർമപ്പെടുത്തട്ടെ (തുടർന്ന് വായിക്കുക)

'ദി എലിഫന്റ് വിസ്പറേഴ്സ്' കൊച്ചിയുമായി അടുത്ത ബന്ധം സൂക്ഷിക്കുന്നു എന്ന് എത്രപേർ അറിഞ്ഞിരിക്കും? ഈ ചിത്രത്തിന്റെ സൂക്ഷ്മ ശബ്ദത്തിനു പിന്നിൽ ഒരു മലയാളിയുടെ നേട്ടമുണ്ട്. കൊച്ചിയിലെ ഫോളി സ്റ്റുഡിയോയിലാണ് ചിത്രത്തിന്റെ ഒരു തുണ്ട് ചേർത്തുവയ്ക്കപ്പെട്ടത്

സൗണ്ട് ഡിസൈനറും കൊച്ചിയിലെ മോളിക്യൂൾസ് സ്റ്റുഡിയോ ഉടമയുമായ നിഖിൽ വർമ്മയാണ് ഡോക്യുമെന്ററിയുടെ സൂപ്പർവൈസിംഗ് ഫോളി എഡിറ്റർ. ആനയുടെ കാലൊച്ചയും, ഭക്ഷിക്കുന്ന ഇലകളുടെ ശബ്ദവും പോലുള്ള ശബ്ദ ഇഫക്റ്റുകൾ സ്റ്റുഡിയോയിൽ സൃഷ്ടിച്ചു എന്ന് ന്യൂസ് 9ന് നൽകിയ അഭിമുഖത്തിൽ നിഖിൽ പറഞ്ഞു

എട്ട് -ഒൻപത് ദിവസം ഈ ടീം ചിത്രത്തിന്റെ ഭാഗമായിരുന്നു. ആനയുമായി ബന്ധമുള്ള ശബ്ദം സൃഷ്‌ടിക്കാനായി നിരവധി ലെയറുകളാൽ പൊതിഞ്ഞ പഞ്ചിങ് ബാഗ് പോലും ഉപയോഗിച്ചിരുന്നു എന്ന് നിഖിൽ

നിഖിൽ വർമ്മയെ കൂടാതെ ഫോളി ആർട്ടിസ്റ്റുമാരായ സുബ്ബയ്യ പിള്ള, രാജ്, ഫോളി റെക്കോർഡിസ്റ്റ് അർജുൻ വർമ്മ തുടങ്ങിയവരും ടീമിന്റെ ഭാഗമായിരുന്നു

'ദി എലിഫന്റ് വിസ്പറേഴ്സ്' നെറ്ഫ്ലിക്സിൽ സ്ട്രീം ചെയ്യുന്നു