Malavika Mohanan | എങ്ങനെ ആരോഗ്യത്തോടെ ഇരിക്കാം? മാളവികയുടെ വ‍‍ര്‍ക്കൗട്ട് ചിത്രങ്ങൾ വൈറലാകുന്നു

മാളവിക മോഹനന് (Malavika Mohanan) ആമുഖം ആവശ്യമില്ലാത്ത ചലച്ചിത്രതാരം. വ്യത്യസ്തമായ കഥാപാത്രങ്ങളിലൂടെ ആരാധകരുടെ പ്രിയതാരമായി മാറിയ മാളവിക സമൂഹമാധ്യമങ്ങളിലും സജീവമായി ഇടപെടാറുണ്ട്. തന്റെ വ്യക്തിജീവിതത്തിന്റെയും ഔദ്യോഗിക ജീവിതത്തിന്റെയും ദൃശ്യങ്ങൾ താരം സോഷ്യൽ മീഡിയയിൽ (Social Media) ആരാധകരുമായി പങ്കുവെക്കാറുണ്ട്. മാളവിക ഒരു ഫിറ്റ്‌നസ് പ്രേമിയാണ്. ശരീര സൌന്ദര്യവും ആരോഗ്യവും കാത്തുസൂക്ഷിക്കുന്ന കാര്യത്തിൽ മാളവിക ഒരു വിട്ടുവീഴ്ചയ്ക്കും തയ്യാറല്ല. മാളവിക അടുത്തിടെ തന്റെ വർക്കൗട്ട് സെഷനിൽ നിന്നുള്ള രണ്ട് ചിത്രങ്ങൾ ഇൻസ്റ്റാഗ്രാമിൽ പങ്കിട്ടു, അവ മണിക്കൂറുകൾക്കുള്ളിൽ വൈറലായി.

ഓരോ ഫിറ്റ്‌നസ് പ്രേമികളും താരം പങ്കിട്ട ചിത്രങ്ങളെ ഏറെ പ്രാധാന്യത്തോടെയാണ് നോക്കിക്കാണുന്നത്. ആദ്യ ചിത്രത്തിൽ മാളവിക വീൽ പോസ് ചെയ്യുന്നതും മറ്റ് രണ്ടെണ്ണത്തിൽ യോഗാ മാറ്റിൽ കിടക്കുന്നതും കാണാം. “ഞാൻ എവിടെയായിരുന്നാലും ചെയ്യുന്ന കാര്യങ്ങൾ. പ്ലോങ്ക്! #phew,” ചിത്രങ്ങൾ പങ്കുവെച്ചുകൊണ്ട് മാളവിക മോഹനൻ ഇൻസ്റ്റാഗ്രാമിൽ കുറിച്ചു.

2013ൽ പട്ടം പോലെ എന്ന മലയാള ചിത്രത്തിലൂടെയാണ് മാളവിക അഭിനയരംഗത്തേക്ക് എത്തുന്നത്. 2019ൽ രജനികാന്ത് നായകനായ പേട്ട എന്ന ചിത്രത്തിലൂടെ തമിഴിൽ അരങ്ങേറ്റം കുറിച്ചു.

വിജയ് നായകനായ കഴിഞ്ഞ വർഷത്തെ ബ്ലോക്ക്ബസ്റ്റർ തമിഴ് ആക്ഷൻ ത്രില്ലർ മാസ്റ്ററിൽ ചാരുലത എന്ന കഥാപാത്രത്തെ അവതരിപ്പിച്ചതിന് ശേഷം മാളവിക ആരാധകർക്ക് പ്രിയപ്പെട്ട താരമായി വളർന്നു. അവരുടെ കരിയറിലെ ഏറ്റവും കൂടുതൽ കളക്ഷൻ നേടിയ ചിത്രമായി ഇത് മാറി.

മാളവിക ജനപ്രിയയായത് അവളുടെ അസാധാരണമായ അഭിനയം കൊണ്ട് മാത്രമല്ല, അവളുടെ സുന്ദരമായ രൂപവും ഗംഭീരമായ ഫാഷൻ സെൻസും കൂടി കൊണ്ടാണ്. പുതിയ തലമുറയിലെ ഫാഷൻ പ്രേമികൾക്ക് താരം സ്ഥിരമായി പ്രചോദനം നൽകാറുണ്ട്. പരമ്പരാഗത വസ്ത്രങ്ങളിലാണ് മാളവികയെ കാണുന്നത്.

പ്രമുഖ ഛായാഗ്രാഹകൻ കെ യു മോഹനന്റെ മകളാണ് മുംബൈയിൽ ജനിച്ച മാളവിക. നിരവധി മലയാളം, ബോളിവുഡ് സിനിമകളിൽ ഛായാഗ്രാഹകനായി പ്രവർത്തിച്ചയാളാണ് കെ യു മോഹനൻ.

മാളവിക മോഹനൻ അടുത്തിടെ മനോഹരമായ സാരി ധരിച്ച ഫോട്ടോകൾ പങ്കുവെച്ചിരുന്നു. ചുവന്ന പൂക്കളുള്ള കോട്ടൺ സാരിയിൽ അവൾ ഏറെ മനോഹരിയാണെന്നായിരുന്നു ആരാധകർ കമന്‍റ് ചെയ്തത്.