അരവിന്ദ് സ്വാമിയെ എംജിആർ ആക്കിയത് പട്ടണം റഷീദ്
തമിഴ് നാട് മുൻമുഖ്യമന്ത്രി ജയലളിതയുടെ ജീവിതകഥ പറയുന്ന ചിത്രമാണ് തലൈവി. കങ്കണ റണാവത്താണ് ചിത്രത്തിൽ ജയലളിതയായി എത്തുന്നത്.
തമിഴ് നാട് മുൻമുഖ്യമന്ത്രി ജയലളിതയുടെ ജീവിതകഥ പറയുന്ന ചിത്രമാണ് തലൈവി. കങ്കണ റണാവത്താണ് ചിത്രത്തിൽ ജയലളിതയായി എത്തുന്നത്. എന്നാൽ, എം ജി ആർ ആയി എത്തുന്ന അരവിന്ദ് സ്വാമിയുടെ ലുക്കാണ് ഇപ്പോൾ സോഷ്യൽ മീഡിയയിൽ ചർച്ചയായിരിക്കുന്നത്. കാരണം, മേക്കപ്പും ഹെയർ സ്റ്റൈലും വസ്ത്രധാരണവുമെല്ലാം എം ജി ആറിനോട് അങ്ങേയറ്റം ചേർന്നു നിൽക്കുന്നു എന്നത് തന്നെയാണ് പ്രത്യേകത.
അരവിന്ദ് സ്വാമിയും പട്ടണം റഷീദും ഒന്നിച്ചു നിൽക്കുന്ന ചിത്രങ്ങളും ഇപ്പോൾ സോഷ്യൽ മീഡിയയിൽ വൈറലാണ്. അരവിന്ദ് സ്വാമിക്ക് എം ജി ആറിന്‍റെ കിടിലൻ ലുക്ക് നൽകിയ പട്ടണം റഷീദിനെ പ്രകീർത്തിക്കുകയാണ് സോഷ്യൽ മീഡിയ. പുതിയ ഭൂമി എന്ന ചിത്രത്തിൽ എം ജി ആർ അനശ്വരമാക്കിയ ഗാനം തലൈവിയിൽ പുനരാവിഷ്കരിച്ചതിന്‍റെ വീഡിയോയും ചേർത്തു വെച്ചുള്ള ടീസറും വൈറലായി കഴിഞ്ഞു. വേഷത്തിൽ മാത്രമല്ല ചലനത്തിലും എം ജി ആർ ആയി മാറാൻ അരവിന്ദ് സ്വാമിക്ക് കഴിഞ്ഞെന്ന് വ്യക്തമാക്കുന്നതാണ് ഈ ഗാനരംഗം.
