62ൽ നിന്നും 47 കിലോയിലേക്ക്; ബിഗ് ബോസിൽ നിന്നും ലൂഡോയിലേക്കുള്ള യാത്രയെപ്പറ്റി പേളി മാണി

ഏതാനും ദിവസങ്ങൾക്കു മുൻപാണ് പേളി വേഷമിട്ട ഹിന്ദി ചിത്രം 'ലൂഡോ' പുറത്തിറങ്ങിയത്. നെറ്ഫ്ലിക്സിലാണ് ചിത്രം പ്രദർശനത്തിലുള്ളത്. നടൻ അഭിഷേക് ബച്ചന്റെ സിനിമയിൽ അരങ്ങേറ്റം കുറിച്ചിരിക്കുകയാണ് പേളി. അനുരാഗ് ബസു സംവിധാനം ചെയ്ത സിനിമ കഴിഞ്ഞ വർഷം തന്നെ പേളി പൂർത്തിയാക്കിയിരുന്നു

ഈ ചിത്രത്തിന്റെ മുന്നൊരുക്കങ്ങളെക്കുറിച്ച് പേളി റേഡിയോ മിർച്ചിയുമായുള്ള അഭിമുഖത്തിൽ വിശദമാക്കി. ബിഗ് ബോസ് റിയാലിറ്റി ഷോയിൽ നിന്നും പുറത്തിറങ്ങിയ ശേഷം പേളി ആദ്യമായി ഒപ്പിട്ട ഉദ്യമമാണ് 'ലൂഡോ'. അച്ഛൻ മാണിക്കൊപ്പമാണ് പേളി സംവിധായകനെ കാണാൻ പോയത്

മുംബൈയിലെ ബിഗ് ബോസ് വീട്ടിൽ നിന്നും പുറത്തിറങ്ങിയപ്പോൾ താൻ നന്നേ മെലിഞ്ഞു എന്ന് പേളി. ഏതാണ്ട് 62-63 കിലോയോളമുണ്ടായിരുന്ന പേളി പുറത്തിറങ്ങയപ്പോൾ കേവലം 47 കിലോ മാത്രമാണ് ഉണ്ടായിരുന്നത്. ഈ ലുക്കിൽ എന്തിനാണ് വിളിച്ചതെന്ന് പോലും അറിയാതെയാണ് അനുരാഗ് ബസുവിനെ കാണാൻ പോയത്

എന്നാൽ ചിത്രത്തിനായുള്ള ഡേറ്റ് ഫിക്സ് ചെയ്യലാണ് ആദ്യം ഉണ്ടായത്. പേളിക്ക് സമ്മതം. വസ്ത്രങ്ങൾക്കായുള്ള അളവെടുത്തു അടുത്ത് തന്നെ ഫോട്ടോ ഷൂട്ടും നടത്തി. എന്നാൽ രണ്ടു വർഷത്തോളം എടുത്താണ് ചിത്രം പൂർത്തിയാക്കിയതെന്ന് പേളി

വിവാഹത്തിന് മുൻപ് ഒപ്പിട്ട ചിത്രം രണ്ടു വര്ഷമെടുത്ത് പൂർത്തിയായി. ഇതിനായി മാത്രം പേളി പലതവണ യാത്ര ചെയ്യേണ്ടതായും വന്നു. ഇത്രേം വലിയ കാസ്റ്റിനൊപ്പം അഭിനയിക്കാനും മലയാളി നേഴ്‌സിന്റെ കഥാപാത്രം ചെയ്യാൻ കഴിഞ്ഞതിലും പേളി സന്തോഷത്തിലാണ്

അഭിഷേക് ബച്ചൻ നല്ല തമാശക്കാരൻ ആണെന്ന് പേളി. പേളിയുടെ ആദ്യ ബോളിവുഡ് ചിത്രമാണ് 'ലൂഡോ'