'കുളിച്ചില്ലേ' എന്ന് ചോദിക്കുന്നവർക്കുള്ള മറുപടിയുമായി ഫോട്ടോ സഹിതം പേളി മാണി

അധികം നീളമില്ലാത്ത, ചുരുളൻ തലമുടി പേളി മാണിയുടെ ട്രേഡ്മാർക്കാണ്. 'കേളി പേളി' എന്ന ഓമനപ്പേര് പലയിടത്തും കേട്ടിട്ടുമുണ്ട്. ഈ തലമുടി കാരണം പരിചയമില്ലാത്തവർ വിദേശിയാണോ എന്ന ചോദ്യം  ചോദിച്ച കാര്യം പേളി മുൻപ് പറഞ്ഞിട്ടുണ്ട്. സമാന അവസ്ഥ തന്നെയാണ് ഫാഷൻ ഡിസൈനർ ആയ മസാബ ഗുപ്തയുടേതും

എന്നാൽ ഈ മുടിക്കാർ സ്ഥിരം കേൾക്കാറുള്ള ഒരു ചോദ്യമുണ്ട്. 'കുളിക്കാറില്ലേ' എന്ന്. കുളിച്ചാലും ഒന്ന് കാറ്റുതട്ടി ഉണങ്ങിയാൽ പിന്നെ പാറിപ്പറന്ന് കിടക്കുന്ന ഈ മുടിയുടെ പ്രകൃതം കൊണ്ടാണ് ഈ ചോദ്യം ഉണ്ടാവുന്നതും. ആ ചോദ്യം പേളിയും കേട്ടിട്ടുണ്ട്. എന്നാലിപ്പോൾ അതിനു ചിത്രം സഹിതം മറുപടി നൽകുകയാണ് പേളി

ഗൃഹലക്ഷ്മി മാസികയുടെ ഫോട്ടോഷൂട്ട് ചിത്രം പോസ്റ്റ് ചെയ്തുകൊണ്ടാണ് പേളി ഇതിനു മറുപടി നൽകിയത്. 'കുളിച്ചില്ലേ' എന്ന് ചോദിച്ചു കൊണ്ട് സംഭാഷണം ആരംഭിക്കുന്നവർക്കുള്ള മറുപടി എന്ന ആമുഖത്തോടെയാണ് ഈ ഫോട്ടോ പേളി പോസ്റ്റ് ചെയ്യുന്നത്

എന്നാൽ ഗർഭിണിയായ തന്നെ ഷൂട്ടിൽ ഉടനീളം വളരെ ഉല്ലാസവതിയാക്കാൻ ഈ ഷൂട്ടിന്റെ പിന്നണിയിൽ പ്രവർത്തിച്ചവർ ശ്രദ്ധിച്ചു എന്ന് പേളി. തനിക്കായി അവർ കപ്പ്കേക്കും പിസയും വാങ്ങി നൽകിയെന്ന് പേളി

ഏതാനും ദിവസങ്ങൾക്കു മുൻപാണ് പേളി വേഷമിട്ട ഹിന്ദി ചിത്രം 'ലൂഡോ' പുറത്തിറങ്ങിയത്. നെറ്ഫ്ലിക്സിലാണ് ചിത്രം പ്രദർശനത്തിലുള്ളത്. നടൻ അഭിഷേക് ബച്ചന്റെ സിനിമയിൽ അരങ്ങേറ്റം കുറിച്ചിരിക്കുകയാണ് പേളി. അനുരാഗ് ബസു സംവിധാനം ചെയ്ത സിനിമ കഴിഞ്ഞ വർഷം തന്നെ പേളി പൂർത്തിയാക്കിയിരുന്നു. കുടുംബാംഗങ്ങൾ ഒന്നിച്ചിരുന്നാണ് ചിത്രം ആദ്യ ദിനം കണ്ടത്

'ലൂഡോ'യിൽ പേളി മാണി