ശ്രീനിഷിന്റെ ശബ്ദം തിരിച്ചറിയുന്നു, കുഞ്ഞ് ചാടിക്കളിക്കുന്നു; വിശേഷങ്ങളുമായി പേളി മാണി

ഗർഭകാലത്തിന്റെ ഏറ്റവും അവസാനത്തെ മൂന്നു മാസങ്ങളിലെ വിശേഷങ്ങളുമായി പേളി മാണി. ടൈംസ് ഓഫ് ഇന്ത്യക്ക് നൽകിയ അഭിമുഖത്തിലാണ് പേളി കുഞ്ഞിന്റെ വിശേഷങ്ങളുമായി എത്തുന്നത്. കുഞ്ഞ് ഒട്ടേറെക്കാര്യങ്ങളിൽ പ്രതികരിക്കാൻ തുടങ്ങിയിരിക്കുന്നു എന്ന് പേളി. തണുത്തതിനോട് കുഞ്ഞിന് വളരെ ഇഷ്‌ടമാണ്‌

ചില ദിവസങ്ങളിൽ പേളി എഴുന്നേൽക്കാൻ വൈകിയാൽ അകത്തു നിന്നും അലാം വയ്ക്കാൻ ഒരാളുണ്ടാവും. വിശന്നാൽ വയറിനകത്തു നിന്നും അനക്കം അറിയാം. ആദ്യ മൂന്നു മാസങ്ങൾ ബുദ്ധിമുട്ട് അനുഭവിച്ചെങ്കിൽ അവസാന മാസങ്ങൾ താൻ ആസ്വദിക്കുന്നു എന്നും പേളി. കുഞ്ഞിന്റെ കൂടുതൽ വിശേഷങ്ങൾ ഇനിപ്പറയുന്നു

വയറ്റിൽ കിടന്നു കൊണ്ട് കുഞ്ഞ് ചാടിക്കളിക്കാൻ ആരംഭിച്ചിട്ടുണ്ട്. ചില കാര്യങ്ങൾ ചെയ്യുമ്പോൾ ആ ചാട്ടം മനസ്സിലാക്കാൻ കഴിയും. അച്ഛന്റെ ശബ്ദം ഇപ്പോൾ തന്നെ കുഞ്ഞിന് തിരിച്ചറിയാം. തുടക്കത്തിൽ എന്നത് കഴിച്ചാലും മനംപിരട്ടുമായിരുന്നു. ഇപ്പോൾ കൂടുതലും ഫ്രഷ് ജ്യൂസ് കുടിക്കാനാണിഷ്‌ടം. മുളകിടാതെ സംഭാരം കുടിക്കും

വെള്ളരിക്ക ധാരാളം കഴിക്കും. ഓരോ ദിവസവും വ്യായാമം പതിവാണ്. പറ്റിയില്ലെങ്കിൽ വൈകുന്നേരം അറ മണിക്കൂർ നടക്കും. കൊച്ചിയിലെ ഫ്ലാറ്റിലാണെങ്കിൽ പാർക്കിംഗ് ഏരിയയിൽ നടക്കും. ആലുവയിലെ വീട്ടിലാണെങ്കിൽ വീട്ടുമുറ്റത്താകും നടക്കുക

ശ്രീനിഷ് ഷൂട്ടിങ്ങിനു പോകുമ്പോൾ ഫ്ലാറ്റിൽ താമസിക്കും. വീട്ടുജോലികൾ എല്ലാം തനിയെ ചെയ്യും. ചിലപ്പോൾ ഡാൻസ് ചെയ്യുകയും ഭക്ഷണം ഉണ്ടാക്കുകയും ചെയ്യും. ഡ്രൈവ് ചെയ്യും. കൂട്ടുകാരോ അനുജത്തിയോ എപ്പോഴും കൂടെ ഉണ്ടാവും എന്നും പേളി

പേളിയുടെ വളകാപ്പ് ചടങ്ങിൽ ശ്രീനിഷും കുടുംബവും

വളകാപ്പ് ചടങ്ങിൽ പേളിയുടെ കുടുംബം

പേളിയുടെ വളകാപ്പ് ചടങ്ങിൽ പേളിയും കൂട്ടുകാരും

അഞ്ചാം മാസം പേളിയുടെ മറ്റേർണിറ്റി ഷൂട്ട്‌