Mamootty | 'ചിന്‍ ഡൗണ്‍, ചിന്‍ പൊടിക്ക് അപ്പ്'; ക്യാമറാമാനായി മമ്മൂട്ടി; പോസ് ചെയ്ത് ആന്റോ ജോസഫ്‌

മെഗാസ്റ്റാറിന്റെ ഫോട്ടോഗ്രാഫിയോടുള്ള താല്പര്യം പലപ്പോഴും ശ്രദ്ധനേടാറുള്ള വിഷയമാണ്. മഞ്ജു വാര്യര്‍ അടക്കമുള്ളവര്‍ മമ്മൂട്ടിയുടെ ക്യാമറാ ക്ലിക്കില്‍ പതിഞ്ഞിട്ടുമുണ്ട്. അത്തരത്തിലൊരു ഫോട്ടോഷൂട്ടാണ് ഇപ്പോള്‍ സോഷ്യല്‍മീഡിയയില്‍ ഇപ്പോള്‍ വൈറലാവുന്നത്.

ഹംഗറിയയില്‍ നിന്നുള്ള മമ്മൂട്ടിയുടെ ചിത്രങ്ങള്‍ സോഷ്യല്‍മീഡിയയില്‍ ആദ്യമേ വൈറലായിരുന്നു. ഇപ്പോള്‍ ക്യാമറാമാനായ മമ്മൂട്ടിയും പോസ് ചെയ്യുന്ന ആന്റോ ജോസഫുമാണ് താരങ്ങള്‍.

നിര്‍മാതാവ് ആന്റോ ജോസഫാണ് ഇത്തവണ മമ്മൂട്ടിയുടെ ക്യാമറക്ക് മുന്നില്‍ പോസ് ചെയ്തിരിക്കുന്നത്. ആന്റോ തന്നെയാണ് ഈ ചിത്രങ്ങള്‍ പങ്കുവച്ചതും. പിന്നാലെ നിരവധി പേരാണ് കമന്റുകളുമായി രംഗത്തെത്തിയത്.

'ഇതിലിപ്പോ ആരാ ഹീറോ, ഫോട്ടോ എടുക്കുന്ന പയ്യനാരാ' എന്നൊക്കെയാണ് കമന്റുകള്‍. പുതിയ തെലുങ്ക് ചിത്രമായ 'ഏജൻറ്' (Agent movie) ചിത്രീകരണത്തിനായി ഹംഗറിയിൽ (Mammootty in Hungary) എത്തിയതാണ് മമ്മൂട്ടി. ഹംഗറിയിലെ തെരുവിലൂടെ മാസ്സ് ലുക്കിൽ നടന്നു നീങ്ങുന്ന അദ്ദേഹത്തിന്റെ വീഡിയോയിലെ ദൃശ്യങ്ങൾ സോഷ്യൽ മീഡിയയിൽ വൈറലായിട്ടുണ്ട്

മമ്മൂട്ടിയെന്ന നടനേക്കാള്‍ മമ്മൂട്ടിയെന്ന ഫോട്ടോഗ്രാഫറിനും ആരാധകരുണ്ടെന്ന് പറഞ്ഞാലും അതിശയിക്കാനൊന്നുമില്ല. ഇതിനു മുന്‍പ് തന്നെ മെഗാസ്റ്റാര്‍ എടുത്ത മിക്ക ഫോട്ടോകളും സോഷ്യല്‍മീഡിയയില്‍ തരംഗമായിട്ടുണ്ട്.

മമ്മൂട്ടിയെടുത്ത മഞ്ജു വാര്യരുടെ ചിത്രങ്ങളുെ സൂപ്പര്‍ഹിറ്റായിരുന്നു. ഈ ചിത്രങ്ങളെ അമൂല്യമായ നിധി എന്നാണ് മഞ്ജു വാര്യർ വിശേഷിപ്പിക്കുന്നത്. ഇതിന് കാരണവുമുണ്ട്. ഈ ചിത്രങ്ങൾ എടുത്തത് സാക്ഷാൽ മമ്മൂട്ടിയാണ്. മലയാള സിനിമയിലെ മികച്ച ഫോട്ടോ ഗ്രാഫറായ മമ്മൂക്കയാണ് ഈ ചിത്രങ്ങൾ ക്യാമറയിൽ പകർത്തിയതെന്നും നന്ദി മമ്മൂക്ക എന്നും മഞ്ജു ചിത്രങ്ങൾക്കൊപ്പം കുറിച്ചു. ദി പ്രീസ്റ്റ് എന്ന സിനിമയുടെ ചിത്രീകരണത്തിനിടെ മമ്മൂട്ടി എടുത്ത ചിത്രങ്ങളാണിത്.

ചിത്രങ്ങൾക്ക് മികച്ച അഭിപ്രായമാണ് ലഭിക്കുന്നത്. മികച്ച ഫോട്ടോകളാണ് മമ്മൂട്ടിയുടേതെന്നാണ് കമന്റുകളിൽ ആരാധകർ അഭിപ്രായപ്പെടുന്നത്. ഒരു പ്രൊഫഷണൽ ഫോട്ടോഗ്രാഫറുടെ മികവോടെയാണ് മമ്മൂട്ടി ചിത്രങ്ങൾ പകർത്തിയതെന്നാണ് കമന്റുകള്‍.