യുകെയില്‍ നിന്ന് പണം വാരിയ 10 തെന്നിന്ത്യന്‍ ചിത്രങ്ങള്‍

 1 പൊന്നിയിന്‍ സെല്‍വന്‍ (Ponniyin Selvan Part - 1 2022).  കല്‍ക്കി കൃഷ്ണമൂര്‍ത്തിയുടെ ബ്രഹ്മാണ്ഡ നോവലിനെ ആസ്പദമാക്കി മണിരത്നം സംവിധാനം ചെയ്ത ചിത്രം. വിക്രം, ഐശ്വര്യറായ്, തൃഷ, കാര്‍ത്തി, ജയം രവി അടക്കമുള്ള വമ്പന്‍ താരനിര അണിനിരന്ന ചിത്രം യുകെയില്‍ നിന്നായി 13.7 കോടി രൂപ നേടിയിട്ടുണ്ട്.

കെജിഎഫ് ചാപ്റ്റര്‍ 2 - KGF Chapter 2 (2022) കന്നട സിനിമ വ്യവസായത്തിന്‍റെ തലവര മാറ്റിയെഴുതിയ ആക്ഷന്‍ ത്രില്ലര്‍ ചിത്രം . ആദ്യഭാഗത്തിന്‍റെ തുടര്‍ച്ചയായി പ്രശാന്ത് നീല്‍ സംവിധാനം ചെയ്ത് യാഷ് നായകനായ ചിത്രം ബോക്സ്ഓഫീസില്‍ തരംഗമായിരുന്നു. യുകെയില്‍ നിന്ന് 11.3 കോടി രൂപ നേടിയ ചിത്രത്തില്‍ സഞ്ജയ് ദത്തായിരുന്നു വില്ലന്‍ കഥാപാത്രത്തെ അവതരിപ്പിച്ചത്.

ബാഹുബലി 2 (bahubali 2) 2017- ദക്ഷിണേന്ത്യന്‍ സിനിമകളുടെ കളക്ഷന്‍ റെക്കോര്‍ഡുകള്‍ മാറ്റിയെഴുതിയ മഹാവിജയമായിരുന്നു രാജമൗലി സംവിധാനം ചെയ്ത ബാഹുബലി രണ്ടാം ഭാഗം. ആദ്യ ഭാഗം നേടിയ വിജയം മറികടക്കുന്ന പ്രകടനമാണ് പ്രഭാസ്, അനുഷ്ക ഷെട്ടി എന്നിവര്‍ പ്രധാനവേഷത്തിലെത്തിയ ചിത്രം നേടിയത്. യുകെയില്‍ നിന്ന് മാത്രമായി 10.3 കോടി രൂപയാണ് ചിത്രം സ്വന്തമാക്കിയത്.

ആര്‍ആര്‍ആര്‍ (RRR 2022) - എസ്.എസ് രാജമൗലിയുടെ സംവിധാനത്തില്‍ ജൂനിയര്‍ എന്‍ടിആര്‍, രാംചരണ്‍ എന്നിവര്‍ പ്രധാന വേഷത്തിലെത്തിയ ആര്‍ആര്‍ആര്‍ ഇനത്യന്‍ സിനിമാ ചരിത്രത്തിലെ നിര്‍ണായകമായ ഒരുഏടായി മാറി. മികച്ച ഗാനത്തിനുള്ള ഓസ്കാര്‍ അവാര്‍ഡ് നേടിയ സിനിമ യുകെയില്‍ നിന്ന് 10 കോടിയോളം രൂപയാണ് നേടിയത്.

പൊന്നിയിൻ സെൽവൻ 2 -( ponniyin selvan 2 ) 2023- ആദ്യം ഭാഗം നേടിയ മഹാവിജയം ആവര്‍ത്തിച്ചുകൊണ്ട് പൊന്നിയിന്‍ സെല്‍വന്‍ രണ്ടാം ഭാഗവും മികച്ച കളക്ഷന്‍ നേടി. മണിര്തനം സംവിധാനം ചെയ്ത ചിത്രം തെന്നിന്ത്യിലെ എല്ലാ ഭാഷകളിലും റിലീസ് ചെയ്തിരുന്നുയ യുകെയില്‍ നിന്നായി 9.3 കോടിയാണ് പിഎസ് 2 നേടിയത്.

വാരിസ് ( varisu 2023) - ദളപതി വിജയിയെ നായകനാക്കി വംശി പൈഡിപ്പള്ളി സംവിധാനം ചെയ്ത ഫാമിലി എന്‍റര്‍ടൈനര്‍. തമിഴിന് പുറമെ തെലുങ്കിലും നിര്‍മ്മിച്ച ചിത്രം സാമ്പത്തികമായി വന്‍ വിജയം നേടിയിരുന്നു. യുകെയില്‍ നിന്ന് 8.98 കോടി രൂപയാണ് ചിത്രം നേടിയത്.

വിക്രം (vikram 2022) - ലോകേഷ് കനകരാജിന്‍റെ സംവിധാനത്തില്‍ ഉലകനായകന്‍ കമലഹാസന്‍ വമ്പന്‍ തിരിച്ചുവരവ് നടത്തിയ ചിത്രമായിരുന്നു വിക്രം. ഇന്ത്യയ്ക്ക് അകത്തും പുറത്തുമായി കോടികള്‍ കളക്ഷന്‍ നേടിയ ചിത്രം യുകെയില്‍ നിന്ന് 8.6 കോടി രൂപ സ്വന്തമാക്കി.

എന്തിരന്‍ (Enthiran 2010)- രജനികാന്തിനെ നായകനാക്കി ശങ്കര്‍ സംവിധാനം ചെയ്ത സയന്‍സ് ഫിക്ഷന്‍ ചിത്രമായിരുന്നു എന്തിരന്‍. തെന്നിന്ത്യന്‍ സിനിമാശാലകള്‍ ഇളക്കി മറിച്ച ചിത്രം യുകെയില്‍ നിന്ന് 7.8 കോടി രൂപയാണ് നേടിയത്.

എന്തിരന്‍ 2.0 (2018) - സൂപ്പര്‍ ഹിറ്റ് ചിത്രം എന്തിന്‍റെ രണ്ടാം ഭാഗം. ശങ്കര്‍ സംവിധാനം ചെയ്ത ചിത്രത്തില്‍ രജിനികാന്തിനൊപ്പം അക്ഷയ്കുമാറും പ്രധാനവേഷത്തിലെത്തിയിരുന്നു. യുകെയില്‍ നിന്ന് മാത്രം ചിത്രം 7.6 കോടി രൂപ നേടി.

2018- മഹാപ്രളത്തിന്‍റെ കഥപറഞ്ഞ മലയാള ചിത്രം . ജൂഡ് ആന്‍റണി ജോസഫ് സംവിധാനം ചെയ്ത ചിത്രം മലയാളത്തിലെ ഏറ്റവും വേഗത്തില്‍ 100 കോടി രൂപ കളക്ഷന്‍ നേടിയ ചിത്രമാണ്. ടോവിനോ, ആസിഫ് അലിസ കുഞ്ചാക്കോ ബോബന്‍ തുടങ്ങിയവര്‍ അഭിനയിച്ച ചിത്രം യുകെയില്‍ നിന്ന് ഇതുവരെ 6.2 കോടിയാണ് നേടിയത്.