ബോളിവുഡ് നടിയല്ല, മലയാളത്തിന്റെ പ്രിയ നായികയാണ്; ഈ പഴയകാല ചിത്രം ആരുടെതെന്ന് പറയാൻ സാധിക്കുമോ?

നീട്ടിയെഴുതിയ കണ്ണുകൾ, തലമുടിക്കെട്ടിൽ അലങ്കാരമായി ഒരു റിബൺ കെട്ട്, സ്ലീവ്‌ലെസ് ടോപ്. കളർ ചിത്രമാണെങ്കിലും വർഷങ്ങളുടെ പഴക്കമുണ്ട് ഈ ക്ലിക്കിന്. ഒറ്റ നോട്ടത്തിൽ ബോളിവുഡ് വെള്ളിവെളിച്ചത്തിൽ നിന്നും ക്യാമറ കണ്ണുകളിലേക്ക് ഇറങ്ങി വന്ന അപ്സര സുന്ദരി എന്ന് തോന്നുമെങ്കിലും, ഈ സുന്ദരി നമ്മുടെ മലയാളത്തിന് സ്വന്തമാണ്

തലമുറകളിലൂടെ മലയാള സിനിമയിൽ സാന്നിധ്യമുറപ്പിച്ച താരത്തിന്റെ തനി നാടൻ മുഖമാണ് ചിത്രത്തിൽ. ഇന്നും പ്രേക്ഷകർ നെഞ്ചോടു ചേർത്ത ഈ നായികയുടെ മുഖം നിങ്ങൾക്ക് കണ്ടെത്താൻ കഴിയുന്നുണ്ടോ? (തുടർന്ന് വായിക്കുക)

ചാലക്കമ്പോളത്തിൽ വച്ച് നിന്നെ കണ്ടപ്പോൾ... എന്ന് തുടങ്ങുന്ന ഈ പാട്ടിൽ ഒരുപക്ഷെ ആ മുഖം കുറെയെല്ലാം വായിച്ചെടുക്കാൻ പറ്റും. യുവതാരങ്ങളായ ഇന്ദ്രജിത്, പൃഥ്വിരാജ്മാരുടെ അമ്മ മല്ലിക സുകുമാരനാണ് ചിത്രത്തിൽ. മരുമകൾ പൂർണ്ണിമയാണ് അമ്മയുടെ ഈ ചിത്രം ഇൻസ്റ്റഗ്രാമിൽ പോസ്റ്റ് ചെയ്തത്

സുകുമാരന്റെയും മല്ലികയുടെയും വർഷങ്ങൾക്ക് മുൻപുള്ള ചിത്രമാണിത്. 1978ലായിരുന്നു മല്ലികയും സുകുമാരനും തമ്മിലെ വിവാഹം 

ഇക്കഴിഞ്ഞ വനിതാ ദിനത്തിൽ മല്ലിക സുകുമാരനും പൂർണ്ണിമയും തമ്മിൽ ഇൻസ്റ്റാഗ്രാം ലൈവിൽ വന്നിരുന്നു. അന്ന് ഒട്ടേറെ വിശേഷങ്ങൾ പങ്കുവച്ചാണ് അവർ മടങ്ങിയത്

മക്കൾക്കൊപ്പം മല്ലിക സുകുമാരൻ