മുഖ്യമന്ത്രിക്ക് മാത്രമല്ല, സ്റ്റൈൽ മന്നന് മുന്നിലും കാൽകൊണ്ട് സെൽഫിയെടുത്ത് പ്രണവ്

പ്രണവിന് സ്വപ്ന സാക്ഷാത്ക്കാരം. ഇഷ്ടതാരം സൂപ്പർ സ്റ്റാർ രജനികാന്തിനൊപ്പം ഏറെ നേരം ചെലവഴിക്കാനും സെൽഫിയെടുക്കാനും 'ഷേക്ക് ലെഗ്' നൽകാനും കഴിഞ്ഞതിന്റെ ത്രില്ലിലാണ് ആലത്തൂർ സ്വദേശി പ്രണവ് .

ചെന്നൈയിലെ രജനിയുടെ വീട്ടിൽ വച്ചായിരുന്നു കൂടിക്കാഴ്ച.

പ്രണവിനെ പൊന്നാട അണിയിച്ചാണ് സ്റ്റൈൽ മന്നൻ സ്വീകരിച്ചത്.

പ്രണവാകട്ടെ രജനിയ്ക്ക് പ്രണവ് 'കാൽ' നൽകി സന്തോഷം പങ്കിട്ടു.

പ്രണവ് തന്റെ കാലുകൊണ്ട് വരച്ച രജനിയുടെ ചിത്രവും സൂപ്പർ താരത്തിന് കൈമാറി.

രജനിയോടൊപ്പം സെൽഫിയുമെടുത്ത ശേഷമാണ് പ്രണവും കുടുംബവും ചെന്നൈയിൽ നിന്നും മടങ്ങിയത്.

എന്ത് സഹായം വേണമെഹ്കിലും ചോദിക്കാമെന്നും ഒപ്പമുണ്ടെന്നും രജനി പ്രണവിന് ഉറപ്പ് നൽകി.

ഇരു കൈകളുമില്ലാത്ത പ്രണവ് മുഖ്യമന്ത്രി പിണറായി വിജയനോടൊപ്പം കാൽകൊണ്ട് സെൽഫിയെടുക്കുന്ന പടം തമിഴ്നാട്ടിൽ ഏറെ ചർച്ചയായിരുന്നു . ഇതേത്തുടർന്ന് ഒരു തമിഴ് മാധ്യമത്തിൽ പ്രണവിന്റെ അഭിമുഖവും പ്രത്യക്ഷപ്പെട്ടു. ഇതിൽ രജനികാന്തിനെ കാണാൻ ആഗ്രഹമുണ്ടെന്ന് പ്രണവ് പറഞ്ഞിരുന്നു. ഈ വാർത്ത ശ്രദ്ധയിൽപ്പെട്ടതിനെ തുടർന്നാണ് പ്രണവിനെ ചെന്നൈയിലേക്ക് വിളിപ്പിച്ചത്.