ആദ്യ സമ്പാദ്യത്തിൽ നിന്നും അമ്മ പൂർണിമയ്‌ക്ക്‌ സമ്മാനം നൽകി പ്രാർത്ഥന

മകളുടെ ആദ്യ സമ്പാദ്യത്തിൽ നിന്നും അമ്മയ്ക്ക് മനസ്സിനിണങ്ങുന്ന ഒരു സമ്മാനം. അതാണ് പ്രാർത്ഥന അമ്മ പൂർണ്ണിമയ്ക്കു സമ്മാനിച്ചത്. സിനിമാ കുടുംബത്തിലെ ഇളമുറക്കാരി പതിനാറാം വയസ്സിനുള്ളിൽ ആദ്യ സമ്പാദ്യം നേടിക്കഴിഞ്ഞു. അമ്മയ്ക്കുള്ള സമ്മാനവും ഒപ്പം ഒരു കുറിപ്പുമാണ് മൂത്ത മകൾ പ്രാർത്ഥന സമ്മാനിച്ചത്

അടുത്തിടെയാണ് പ്രാർത്ഥന ബോളിവുഡിൽ അരങ്ങേറ്റം കുറിച്ചത്. സോളോ എന്ന സിനിമക്ക്‌ ശേഷം ബിജോയ്‌ നമ്പ്യാർ ഒരുക്കുന്ന തായിഷ്‌ എന്ന സിനിമയിലെ ഗാനം ആലപിച്ചു കൊണ്ടാണ് പ്രാർഥന ബോളിവുഡിലേക്കെത്തുന്നത്. സീ5 സ്റ്റുഡിയോ നിർമിക്കുന്ന ചിത്രത്തിൽ ഗോവിന്ദ് വസന്ത ഒരുക്കിയ ഗാനമാണ് പ്രാർഥന ആലപിച്ചത്‌. ‘രേ ബാവ്‌രേ’ എന്ന ഗാനം പ്രാർഥനയും ഗോവിന്ദും ചേർന്നാണ് ആലപിച്ചിരിക്കുന്നത്

പ്രകൃതി സൗഹാർദ്ദമായ ഒരു സാരിയാണ് അമ്മയ്ക്കുള്ള പ്രാർത്ഥനയുടെ സമ്മാനം. ഫാഷൻ ഡിസൈനർ കൂടിയായ പൂർണ്ണിമയ്ക്കു മകൾ സമ്മാനിച്ച സാരി വളരെയേറെ ഇഷ്‌ടമാവുകയും ചെയ്തു. ആ സാരി ചുറ്റികകൊണ്ട് ഒരുപാട് ചിത്രങ്ങൾ പൂർണിമ ഇൻസ്റ്റഗ്രാമിൽ പോസ്റ്റ് ചെയ്തു

വളരെയടുത്താണ് പ്രാർത്ഥനയുടെ പിറന്നാൾ കഴിഞ്ഞത്. അച്ഛനും അമ്മയും കുടുംബാംഗങ്ങളും ചേർന്ന് പിറന്നാൾ മനോഹരമായി കൊണ്ടാടി. അതിനു ശേഷം അച്ഛമ്മ മല്ലിക സുകുമാരന്റെ പിറന്നാളിനും പ്രാർത്ഥനയും അനുജത്തിയും പ്രധാനികളായിരുന്നു. അച്ഛമ്മയ്ക്കൊപ്പം നൃത്തം ചെയ്തുകൊണ്ടുള്ള പ്രാർത്ഥനയുടെ വീഡിയോ വൈറലായിരുന്നു

'മോഹൻലാൽ' എന്ന സിനിമയിലെ ‘ഞാൻ ജനിച്ചന്ന് കേട്ടോരു പേര്’ എന്ന ഗാനം ആലപിച്ചാണ് പ്രാർഥന മലയാളത്തിലെത്തിയത്. പിന്നാലെ ടിയാൻ, കുട്ടൻപിള്ളയുടെ ശിവരാത്രി, ഹെലൻ എന്നീ ചിത്രങ്ങളിലും പ്രാർഥന പാടിയിരുന്നു

മല്ലിക സുകുമാരന്റെ പിറന്നാൾ കേക്ക് മുറിക്കലിന് ശേഷം പ്രാർത്ഥനയും നക്ഷത്രയും