Prarthana Indrajith | ദിവസവും ഏഴു കാര്യങ്ങൾ ചെയ്യും; പ്രാർത്ഥന ഇന്ദ്രജിത്തിന്റെ ലോക്ക്ഡൗൺ ദിനങ്ങൾ ഇങ്ങനെ

താരപുത്രിയും ഗായികയുമാണ് പ്രാർത്ഥന ഇന്ദ്രജിത്. സോഷ്യൽ മീഡിയയിൽ അച്ഛനമ്മമാരെപ്പോലെ സജീവമാണ് പ്രാർത്ഥനയും. അടുത്തിടെ പ്രാർത്ഥന സ്വന്തമായി യൂട്യൂബ് ചാനൽ ആരംഭിച്ചിരുന്നു. വെസ്റ്റേൺ മ്യൂസിക് ആണ് പ്രാർത്ഥനയുടെ ഇഷ്‌ടലോകം. പല അന്താരാഷ്ട്ര ഗായകരുടെ പാട്ടും പ്രാർത്ഥന ഭംഗിയായി കവർ ചെയ്ത് അവതരിപ്പിക്കും

അങ്ങനെയിരിക്കെ, പുതിയ വീഡിയോ എങ്ങനെ വേണം എന്നറിയാനായി പ്രാർത്ഥന തന്റെ ഇൻസ്റ്റഗ്രാം ഫോളോവേഴ്‌സിനോട് ഒരു ചോദ്യം ചോദിച്ചതാണ്. അതായത് തന്റെ ഒരു ലോക്ക്ഡൗൺ ദിനം എങ്ങനെ എന്ന് അവതരിപ്പിക്കണോ അതോ വേറെ വിഷയം അവതരിപ്പിച്ചാൽ മതിയോ എന്നാണ്. ശേഷം തന്റെ ഒരു ദിവസം എങ്ങനെ എന്ന് പ്രാർത്ഥന ഒന്ന് ചുരുക്കി പറഞ്ഞു (തുടർന്ന് വായിക്കുക)

പ്രാർത്ഥനയുടെ ഒരു ദിവസം എന്നത് ഏഴു കാര്യങ്ങൾ ചേർന്നതാണ്. അത്ര സീരിയസ് ആയിട്ടാണോ പ്രാർത്ഥന ഓരോ ദിവസവും ചെലവിടുന്നത് എന്നായിരിക്കും പലരുടെയും ഉള്ളിലെ സംശയം. എന്നാലിത് വളരെ സിമ്പിൾ ആണ്. ആ ഏഴുകാര്യങ്ങൾ പ്രാർത്ഥന അക്കമിട്ടു നിരത്തി

1. ഉറക്കമുണരൽ, 2. ഓൺലൈൻ ക്ലാസ് 3. ബ്രഞ്ച് (ബ്രെക്ഫാസ്റ്റും ലഞ്ചും ചേർന്നത്), 4. ഉറക്കം 5. ടി.വി. കാണൽ 6. ഡിന്നർ 7. ഉറക്കം. ഇത്രയുമാണ് ഉള്ളത്. നൈസൽ ചോദിച്ച പോലെ മച്ചാനെ, അത് പോരേ അളിയാ എന്ന് പ്രാർത്ഥന ചോദിച്ചില്ലെന്നു മാത്രം!

പ്രാർത്ഥനയുടെ വീഡിയോകൾ എഡിറ്റ് ചെയ്യാൻ അനുജത്തി നക്ഷത്രയും കൂടി കൂടാറുണ്ട്. അടുത്തിടെ അമ്മയ്‌ക്കൊപ്പം നടക്കാൻ ഇറങ്ങിയ വീഡിയോയും, അമ്മയോടൊപ്പം നൃത്തം ചെയ്യുന്ന വീഡിയോയും ഒക്കെ പ്രാർത്ഥന പോസ്റ്റ് ചെയ്തിരുന്നു

പൂർണ്ണിമയും പ്രാർത്ഥനയും